Breaking - अभिनेते अनुपम खेर यांच्या घरात कोरोनाचा शिरकाव

संतोष भिंगार्डे - सकाळ न्युज नेटवर्क
Sunday, 12 July 2020

आता यापाठोपाठ अभिनेते अनुपम खेर यांच्या घरातही कोरोनाने शिरकाव केला हे. अनुपम खेरची आई दुलारी यांनाही कोरोनाची लागण झाली आहे.

मुंबई ः हिंदी चित्रपटसृष्टीत कोरोनाने आता शिरकाव केला आहे. अभिनेते अमिताभ बच्चन आणि अभिषेक बच्चन यांना कोरोना झाला आहे तसेच रेखाच्या बंगल्यातील एका सुरक्षा रक्षकाला कोरोनाची लागण झाल्यामुळे तिचा बंगला सील करण्यात आला आहे.

'साहब...हम फिरसे मुंबई नही आयेंगे', असं म्हणणारे श्रमिक पोटापाण्यासाठी पुन्हा मुंबईत येण्याच्या तयारीत

आता यापाठोपाठ अभिनेते अनुपम खेर यांच्या घरातही कोरोनाने शिरकाव केला आहे. अनुपम खेरची आई दुलारी यांनाही कोरोनाची लागण झाली आहे.  त्यांनी ट्विटद्वारे याबाबत माहिती दिली आहे.  अनुपम खेर यांनी आपल्या ट्विटर हँडलवरून एक व्हिडिओ शेअर केला आहे. हा व्हिडिओ शेअर करताना त्यांनी सांगितले की त्यांच्या आईची कोरोना चाचणी पॉझिटिव्ह आली आहे.

अमिताभ बच्चन यांनी स्वतः ट्विटकरून करोनाची लागण झाल्याची माहिती दिली आहे. 

त्याची आई दुलारी यांना मुंबईच्या अंधेरीतील कोकिलाबेन अंबानी रुग्णालयात उपचारासाठी दाखल करण्यात आले आहे. तसेच त्यांनी पुढे असेही म्हटले आहे की,आपल्या भावाची, मेव्हणीची आणि भाचीची कोरोना चाचणी पाॅझिटिव्ह आली आहे. मात्र अनुपम खेर यांची कोरोना चाचणी निगेटिव्ह आली आहे. त्यांना तसेच अन्य मंडळींना क्वारंटाईन करण्यात आले आहे.  

---------------------------------------------------

( संपादन - तुषार सोनवणे )


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Breaking - Corona infiltrates actor Anupam Kher's house