Big Breaking : महानायक अमिताभ बच्चन यांना कोरोनाची लागण

मुंबई - बिग बी अमिताभ बच्चन यांना मुंबईतील नानावटी रुग्णालयात दाखल करण्यात आलं आहे. बच्चन यांची कोरोना टेस्ट पॉझिटिव्ह आली असून त्यांना रुग्णालयात हलवलं आहे. कुटुंबीयासह इतरांची कोरोना टेस्ट करण्यात आली असून त्यांचे रिपोर्ट यायचे आहेत.अमिताभ बच्चन यांच्या ट्विटरवरून ही माहिती देण्यात आली आहे. तसंच गेल्या दहा दिवसांत माझ्या संपर्कात आलेल्यांनी कोरोनाची टेस्ट करावी असंही त्यांनी सांगितलं आहे. 

अमिताभ बच्चन यांचा अभिनय असलेला शूजित सरकार यांचा गुलाबो सिताबो हा चित्रपट रिलिज होणार होता. मात्र कोरोना व्हायरसमुळे झालेल्या लॉकडाऊननंतर तो अॅमेझॉन प्राइम व्हिडिओवर रिलीज झाला आहे. 

बिग बी कौन बनेगा करोडपतीच्या 12 व्या सिझनमध्येही पुन्हा परतणार आहेत. या शोसाठी मे महिन्यात ऑडिशन घेण्यात आल्या आहेत. त्यांचे चेहरे, ब्रह्मास्त्र आणि झुंड हे चित्रपटही लवकरच येणार आहेत. 
(सविस्तर वृत्त लवकरच)