पालिकेने कसली कंबर; रेमडेसेवीर इंजेक्शनच्या १.५ लाख बाटल्यांची दिली ऑर्डर 

देशात कोरोनाची दुसरी लाट आली आहे. त्यामुळे सध्या सर्वत्र चिंतेचं वातावरण पसरलं आहे. दिवसेंदिवस करोनाग्रस्तांच्या संख्येत वाढ होत असल्यामुळे पालिका प्रशासनानेदेखील रुग्णांच्या उपचारांमध्ये कोणतीही कमतरता भासू नये यासाठी कंबर कसली आहे. पालिकेने नुकतीच रेमडेसेवीर इंजेक्शनच्या १.५ लाख बाटल्यांची (valas )ऑर्डर दिली आहे. कोरोना उपचारांत प्रभावी ठरलेल्या रेमडेसेवीर इंजेक्शनचा पुरवठा पालिकेने रुग्णालयांना पुरवण्यास सुरुवात केली आहे. इंजेक्शनची कमतरता भासू नये यासाठी पालिकेने रेमडेसेवीर इंजेक्शनच्या दीड लाख valas खरेदीची प्रक्रिया सुरू केली आहे. 

मुंबईत कोरोनाच्या दुसर्‍या लाटेला सुरुवात झाली आहे. या लाटेच्या प्रभावात अनेक जण येत आहेत. सध्याच्या परिस्थितीचा विचार केला तर दुसर्‍या लाटेमध्ये मुंबईत आतापर्यंत सापडलेल्या कोरोनाच्या नवीन रुग्णांच्या नोंदीने गेल्या एका वर्षाचे सर्व रेकार्ड तोडले आहेत. रविवारी गेल्या एका वर्षातील सर्वाधिक रुग्ण सापडले असून ही संख्या ७ हजारांहून अधिक होती. गेल्या वर्षाप्रमाणे यावर्षी कोरोना रूग्णांच्या उपचारामध्ये कोणतीही कमतरता भासू नये यासाठी पालिका बेडपासून औषधापर्यंत सर्व काही व्यवस्था करत आहे. त्याअंतर्गत, कोरोनावरील उपचारात लागणार्या रेमडेसेवीर इंजेक्शनचा साठा प्रभावी असल्याचे सिद्ध झाले आहे. 

"काही दिवसांपूर्वी पालिका रुग्णालयांमध्ये रेमडेसेवीर इंजेक्शनच्या ४० हजार बाटल्या पुरवल्या गेल्या आहेत. मंगळवारपर्यंत आणखी ३० हजार बाटल्या रुग्णालयांमध्ये उपलब्ध होतील. याशिवाय इंजेक्शनच्या दीड लाख बाटल्या खरेदी करण्याची तयारी सुरू झाली आहे. या संदर्भात प्रक्रिया सुरू आहे. कोणत्याही रुग्णालयात औषधांची कमतरता भासू नये यासाठी काळजी घेतली जात आहे. सर्व रुग्णालयांमध्ये पुरेशा प्रमाणात ऑक्सिजनही उपलब्ध होत असल्याची माहिती महानगरपालिकेचे अतिरिक्त आयुक्त सुरेश काकाणी यांनी दिली.

संपादन - शर्वरी जोशी