State Cabinet grants major relief to farmers: Land registration fees waived for agricultural transfers.Sakal
मुंबई
Farm land Allocation: 'शेत जमीन वाटपाचे नोंदणी शुल्क माफ'; राज्य मंत्रिमंडळाचा महत्त्वाचा निर्णय, शेतकऱ्यांना दिलासा
Mumbai News : मुद्रांक शुल्कापेक्षा नोंदणी शुल्क अधिक असल्याने अनेक शेतकरी दस्तांची नोंदणी करत नाहीत. नोंदणी न केल्यामुळे भविष्यात शेत जमिनीवरून वाद निर्माण झाल्यास त्याचा शेतकऱ्यांना आणि त्यांच्या कुटुंबीयांना नाहक त्रास सहन करावा लागतो.
मुंबई : शेत जमिनी वाटपपत्राच्या दस्तावर आकारण्यात येणारे नोंदणी शुल्क माफ करण्याचा निर्णय आज राज्य मंत्रिमंडळाच्या बैठकीत घेण्यात आला. महाराष्ट्र जमीन महसूल संहितेनुसार शेत जमिनीचे वाटप करताना मोजणी करून वाटपाच्या दस्तास मुद्रांक शुल्क आणि नोंदणी शुल्क द्यावे लागते.