कोरोना युद्धात मृत्यू आल्यास, ''शहीद'' घोषित करावे!

रायगड : कोरोनाच्या जैविक युद्धात जनतेसाठी सहकार्य आणि मदतीसाठी अहोरात्र झटणाऱ्या शासकीय अधिकारी, पोलिस, डॉक्टर, नर्स, पत्रकार आणि सफाई कामगार यांच्यासह अन्य शासकीय आस्थापनेतील कर्मचारी यांना कोरोनाची बाधा होऊन मृत्यू आल्यास त्यांना शहीद म्हणून घोषित करावे, अशा आशयाचे निवेदन उरण शहर काँग्रेसचे उपाध्यक्ष प्रकाश ठाकूर यांनी उरणचे तहसीलदार भाऊसाहेब अंधारे यांना दिले आहे.

ही बातमी वाचली का? कोरोनावरील उपचारासाठी मुंबईत नव्या उपचारपद्धतीला सुरुवात

निवेदनाची प्रत रायगड जिल्हाधिकारी निधी चौधरी यांनाही पाठविण्यात आली आहे. सध्या आपण सर्व कोरोनाविरोधात लढत आहोत. जीवाची पर्वा न करता अहोरात्र झटणारे, सर्वात महत्त्वाची भूमिका बजावणारे शासकीय अधिकारी, पोलिस, डॉक्टर, नर्स, पत्रकार आणि सफाई कामगार सर्वच आस्थापनांचे अधिकारी व कर्मचारी स्वतःचा जीव धोक्यात घालून कोरोनाशी लढत आहेत. 

ही बातमी वाचली का? आनंदाची बातमी; 1076 रुग्ण कोरोनामुक्त

त्यामुळे त्यांचावर जीव गमावण्याची परिस्थिती ओढावू शकते. त्यांचे कुटुंबीय उघड्यावर येऊ शकते. त्यामुळे या शूरवीरांना शासकीय मदतीसह शासनाने शहीद म्हणून घोषित करावे, अशा मागणीचे निवेदन प्रकाश ठाकूर यांनी उरणच्या तहसीलदारांना दिले. निवेदनावर उरणच्या माजी नगरसेविका आफशा मुखरी व माजी नगरसेवक बबन कांबळे यांनी स्वाक्षऱ्या केल्या आहेत.