Mumbai Local Train : आठवड्याच्या पहिल्याच दिवशी लोकल विलंबाने !

मुंबई : आठवड्याच्या पहिल्याच दिवशी मध्य रेल्वेच्या मुख्यमार्गावर सकाळी लोकल सेवांचा १० ते १५ मिनिटे विलंबाने धावत होत्या. त्यामुळे मुंबईकरांना कार्यालयात पोहचण्यासाठी आठवड्याचा पहिल्याच दिवशी लेटमार्क लागला आहे.

मुंबई आणि उपनगरात सोमवारी सकाळी पासून पाऊस सुरु झाला, त्यामुळे मध्य, रेल्वे मार्गावरील लोकल सेवा धीम्या गतीने धावत होत्या. विशेष म्हणजे, मध्य रेल्वेच्या जलद लोकल १० ते १५ मिनिटे, तर धीम्या मार्गावरील लोकल सेवा ५ ते १० मिनिटाने सकाळी विलंबाने धावत होत्या. त्यानंतर पावसा जोर कमी झाला.

पावसाच्या उघड झाप असल्याने लोकल सेवानी गती घेतली. मात्र, हवेतील दृश्यमानता कमी होताच लोकल सेवा पुन्हा धीम्या गतीने धावू लागल्या. पावसामुळे हवेतील दृश्यमानता कमी होते. त्यामुळे खबरदारीचा उपाय म्हणून मोटरमन आणि लोको पायलेटला रेल्वे गाड्यांचा वेग कमी करावा लागतो. यामुळे लोकल आणि रेल्वे गाड्यांचा वेगावर बंधने येतात.