Mumbai News : कर्जत यार्ड सुधारणेसाठी तीन दिवस विशेष ट्रॅफिक आणि पॉवर ब्लॉक!

मुंबई : मध्य रेल्वेच्या कर्जत यार्ड सुधारणेसाठी विशेष ट्रॅफिक आणि पॉवर मेगाब्लॉक घेण्यात आलेला आहेत. हा ब्लॉक २१, २५ आणि २८ एप्रिल २०२३ रोजी असणार आहेत. त्यामुळे रेल्वेच्या वेळापत्रकावर काही बदल करण्यात आले आहे.

मध्य रेल्वेने दिलेल्या माहितीनुसार, कर्जत यार्ड बदलासंदर्भात कर्जत स्थानकावर संरचनांचे दोन पोर्टल आणि लोड हस्तांतरणासाठी ३ विशेष ट्रॅफिक आणि पॉवर ब्लॉक घेण्यात येणार आहे. हा ब्लॉक २१ एप्रिल, २५ एप्रिल आणि २८ एप्रिल २०२३ रोजी सकाळी १०.४५ ते दुपारी १२ वाजेपर्यंत कालावधीत असणार आहे.

या ब्लॉककालावधीत खोपोली- कर्जत लोकल रद्द राहणार आहे. ट्रेन क्रमांक २२७३१ हैदराबाद- मुंबई सुपरफास्ट एक्स्प्रेस लोणावळा येथे सकाळी १०.३२ ते सकाळी ११.२५ या वेळेत नियमित केली जाईल आणि निर्धारित वेळेपेक्षा ६५ मिनिटे उशिरा पोहोचेल. ट्रेन क्रमांक ११०१४ कोईम्बतूर- एलटीटी एक्स्प्रेस गंतव्यस्थानावर १५-२० मिनिटे उशिरा पोहोचेल.