वर्षा बंगल्यावर सेनेची खलबतं, आगामी निवडणुकांचं वर्ष डोळ्यासमोर ठेऊन मोर्चेबांधणी

मुंबई : नुकतीच शिवसेनेचे मंत्री आणि जिल्हाप्रमुखांची एक बैठक पार पडली होती. या बैठकीनंतर आता आज पुन्हा एकदा महाराष्ट्राचे मुख्यमंत्री आणि शिवसेना पक्षप्रमुख उद्धव ठाकरे यांनी शिवसेनेच्या उपनेत्यांची आणि संपर्क प्रमुखांची बैठक बोलावली आहे.

मुख्यमंत्र्यांचं शासकीय निवासस्थान वर्षा बंगल्यावर ही शिवसेनेची महत्त्वाची बैठक पार पडतेय. येणारं वर्ष हे निवडणुकांचे वर्ष असणार आहे, त्यामुळे प्रत्येक गावागावात शिवसेनेचा झेंडा फडकला पाहिजे. याच पार्श्वभूमीवर आजची शिवसेनेची बैठक घेतली जातेय, अशी माहिती मिळतेय. या बैठकीत शिवसेनेचे सर्व उपनेते आणि संपर्कप्रमुख उपस्थित आहेत.

महत्त्वाची बातमी : शक्ती वाघ आणि करिश्‍मा वाघिणीची जवळीक वाढली! राणीच्या बागेत पाळणा हलण्याची शक्यता

येत्या काही दिवसांमध्ये लगेचच ग्राम पंचायतींच्या निवडणुका येऊ घातल्या आहेत. तसेच आगामी काळात मुंबई महापालिकेची देखील निवडणूक आहे तसेच इतरही महापालिकांच्या निवडणुका आहेत. या पार्श्वभूमीवर आता शिवसेना पक्षाकडून निवडणुका डोळ्यासमोर ठेवून रणनिणती आखण्याचं काम सुरु आहे.

म्हणूनच, महाराष्ट्राचे मुखमंत्री उद्धव ठाकरे यांनी शिवसेनेचे संपर्क प्रमुख आणि उपनेत्यांची बैठक बोलावली आहे. या बैठकीमध्ये स्थानिक निवडणुकांसंदर्भात काय बातचीत होते आणि उपनेत्यांना आणि संपर्क प्रमुखांना काय मार्गदर्शन मिळते हे पाहणं महत्त्वाचं असणार आहे.

मुंबई परिसरातील बातम्या वाचण्यासाठी येथे क्लिक करा

CM uddhav thackeray called meeting of shivsena leaders at varsha bungalow