कोरोनाविरुद्धच्या लढ्यात कोका-कोला चा सहभाग; कोरोना योद्ध्यांसाठी करणार 'हे' काम..  

कृष्ण जोशी
Saturday, 11 July 2020

कोरोना योध्यांना साह्य करण्यासाठी कोका-कोलाने देशातील आठ राज्‍यांमधील ४८ सार्वजनिक रूग्‍णालयांमध्‍ये आरोग्यविषयक उपक्रमांना चालना देण्‍यासाठी युनायटेड वे मुंबईसोबत सहकार्य करण्याचा निर्णय घेतला आहे.

मुंबई : कोरोना योध्यांना साह्य करण्यासाठी कोका-कोलाने देशातील आठ राज्‍यांमधील ४८ सार्वजनिक रूग्‍णालयांमध्‍ये आरोग्यविषयक उपक्रमांना चालना देण्‍यासाठी युनायटेड वे मुंबईसोबत सहकार्य करण्याचा निर्णय घेतला आहे.

सार्वजनिक रूग्‍णालये तसेच आरोग्य कर्मचारी यांच्याबरोबरच सफाई कामगार, पोलिस कर्मचारी अशा ६५ हजारांहून अधिक कोरोना योद्ध्यांना ही मदत केली जाईल. यासाठी कोकाकोलाने १०० कोटी रुपयांचा निधी राखीव ठेवला आहे.

हेही वाचा: मोठी बातमी! गणेशोत्सव मंडळांसाठी गृहविभागाकडून मार्गदर्शक तत्त्वे जाहीर; वाचा काय आहेत नियम .. 

 

मुंबईत हा उपक्रम सर्वप्रथम सुरु झाला असून १३ रुग्णालयांमधील अडीच हजार कर्मचारी तसेच वीस हजार सफाई कामगार, सहा हजार पोलिस व बाराशे अन्य आरोग्य कर्मचाऱ्यांना याचा लाभ होईल. जास्त संसर्ग असलेल्या आठ राज्यांमध्ये पहिल्या टप्प्यात ही मोहीम राबविली जाईल. 

यामध्‍ये महाराष्‍ट्र (मुंबई, पुणे), दिल्‍ली, तामिळनाडू (चेन्‍नई), कर्नाटक (बेंगळुरू), तेलंगणा (हैद्राबाद), गुजरात, पंजाब व हरियाणा या राज्‍यांचा समावेश आहे. या कर्मचा-यांच्‍या सुरक्षिततेसाठी पीपीई किट दिले जाईल, त्यात एन ९५ मास्‍क्‍स, तीन पदरी मास्‍क्स, सर्जिकल कॅप्‍स, सर्जिकल गॉगल्‍स, पीपीई किट, शू कव्‍हर्स, ग्‍लोव्‍ह्ज यांचा समावेश आहे. 

हेही वाचा: ब्रेकिंग - विकास दुबे प्रकरणात ठाण्यात मोठी कारवाई, दुबेच्या दोन साथीदारांच्या ATS ने आवळल्या मुसक्या 

तर वैद्यकीय तयारीसाठी सॅनिटायझर डिस्‍पेन्‍सर्स, अतिरिक्‍त आयसीयू बेड्स आणि नॉन-कॉन्‍टॅक्‍ट थर्मोमीटर आदी बाबीही दिल्या जातील. देशभरात पन्नास हजार सफाई कामगार, अकरा हजार पोलिस व सहा हजार आरोग्य कर्मचारी यांना ही मदत मिळेल व तिचा अंतिमतः याचा फायदा नऊ लाख रुग्णांना होईल, अशी अपेक्षा आहे, असे कोकाकोला इंडिया चे उपाध्यक्ष इश्तेयाक अमजद म्हणाले.

संपादन : अथर्व महांकाळ 

coca cola company will provide essentials to health workers and police 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: coca cola company will provide essentials to health workers and police