मुंबई - मुंबईत सलग चार दिवसांपासून पावसाचा जोर वाढला आहे. शुक्रवारी पहाटेपासूनच पावसाची संततधार सुरू होती. परिणामी शहर आणि उपनगरांतील सखल भागात पाणी साचले होते. त्यातच रेल्वे, रस्ते वाहतूकही मंदावल्याने प्रवाशांचे हाल झाले..हवामान विभागाने येत्या २४ तासांसाठी मुंबई, ठाणे व पालघरमध्ये पावसाचा ऑरेंज अलर्ट जारी केला आहे. मात्र आजच्या पावसाने मुंबईकरांचे हाल झाले. समुद्राला दुपारी मोठी भरती होती; मात्र या काळात अतिवृष्टी झाली नाही..मुंबईसह शहरात आज पहाटेपासून संततधार पाऊस सुरू होता. सलग चार दिवसांपासून पडणाऱ्या पावसामुळे मुंबईकरांना वाहतूक कोंडीला सामोरे जावे लागले. रेल्वेसेवा विलंबाने धावल्याने प्रवाशांना प्रचंड गर्दीतून प्रवास करावा लागला. मुंबई महापालिकेचे कर्मचारी मागील चार दिवसांपासून पाणी साचणाऱ्या ठिकाणी कार्यरत होते. या ठिकाणी पंप लावल्याने पाण्याचा निचरा वेळेत झाला..पडझडीच्या घटनाजोरदार पावसामुळे पूर्व उपनगरात तीन व पश्चिम उपनगरात एक अशा एकूण चार ठिकाणी घरे व घरांच्या भिंती कोसळल्या. शहरात पाच, पूर्व उपनगरात सहा व पश्चिम उपनगरात चार एकूण १५ ठिकाणी झाडे व फांद्या पडण्याच्या घटना घडल्या. यात कोणतीही जीवितहानी वा कोणीही जखमी झाले नाही..सखल भागात पाणी साचल्यास त्याचा ताबडतोब निचरा करण्यासाठी पालिकेचे तब्बल दहा हजारांहून अधिक अधिकारी व कर्मचारी विविध भागात तैनात आहेत. पालिका मुख्यालयातील आपत्कालीन नियंत्रण कक्षातून पालिका आयुक्त भूषण गगराणी यांनी परिस्थितीचा आढावा घेतला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
