डोंबिवली : कोरोना (corona) निर्बंध शिथिल होताच बारचालकांनी (Bar Owners) छम छम ला सुरवात केली आहे. कल्याण पूर्वेतील हाजीमलंग रोडवरील (hajimalang road) मोनालीसा बारवर (monalisa Bar) कल्याण गुन्हे शाखेने (Kalyan crime branch) शुक्रवारी रात्री 9 च्या सुमारास छापा टाकला. यात 21 महिला, 30 ग्राहक व बारचालकासह वेटर मिळून 5 असे एकूण 56 जणांना ताब्यात घेण्यात आले असून 78 हजार किंमतीचा मुद्देमालही जप्त करण्यात आला आहे.
मानपाडा पोलीस ठाण्याच्या हद्दीत असलेला मोनालीसा बार मालक व चालक हे बिना नोकरनामा व परवाना बार चालवित आहेत. शिवाय बारमध्ये ग्राहकांना आकर्षित करण्यासाठी महिलांची सर्व्हिस दिली जात असल्याची माहिती गुप्त बातमीदार मार्फत कल्याण गुन्हे अन्वेषण विभागास मिळाली. मिळालेल्या माहितीच्या आधारे गुन्हे शाखा घटक 3 चे वरिष्ठ पोलीस निरीक्षक विलास पाटील, सहाय्यक पोलीस निरीक्षक भूषण दायमा, पोलीस उपनिरीक्षक मोहन कळमकर यांच्या पथकाने शुक्रवारी रात्री बारवर छापा टाकत कारवाई केली. कोरोना नियमांचे उल्लंघन केल्याप्रकरणी 56 जणांवर कारवाई करीत सहाय्यक पोलीस उपनिरीक्षक व्ही. डी. मालशेटे यांच्या फिर्यादीवरून मानपाडा पोलीस ठाण्यात गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
