मुंबई : कोरोना व्हायरसने जगभरात थैमान घातले आहे. भारतातील विविध राज्यात याची लागण झालेले अनेक रुग्ण आढळत आहे. या रुग्णांच्या संख्येत दिवसेंदिवस वाढ होत आहे. याची खबरदारी म्हणून विविध शाळांना प्रशासनाकडून सुट्टी जाहीर करण्यात आली आहे. तसेच आता खासगी कंपन्यांमध्ये 50 टक्के कर्मचाऱ्यांची उपस्थिती असल्याची मुभा देण्यात आली आहे. याबाबतचे आदेश जारी केले आहेत.
कोरोनाच्या पार्श्वभूमीवर प्रशासनाकडून विविध उपाययोजना केल्या जात आहेत. त्यानुसार, विविध मॉल्स्, धार्मिक स्थळे, शाळा, महाविद्यालये बंद करण्याचा निर्णय घेतला आहे. त्यानंतर आता खासगी कंपन्यांमधील कर्मचाऱ्यांच्या उपस्थितीबाबतही निर्णय घेण्यात आला आहे. त्यासाठी आता महापालिका आयुक्त प्रवीण परदेशी यांनी खासगी कंपन्यांना एकूण कर्मचाऱ्यांच्या फक्त 50 टक्के कर्मचाऱ्यांना कार्यालयात बोलवावे आणि इतर कर्मचाऱ्यांना घरी बसून काम करण्याची परवानगी द्यावी, असे आदेश देण्यात आले आहे.
तसेच संबंधित कार्यालयाने या आदेशाचे पालन केले नाहीतर अशांवर कलम 188 अंतर्गत कारवाई केली जाईल, असा इशाराही देण्यात आला आहे.
बँकिंग, टेलिफोन सेवा वगळल्या
प्रशासनाने कर्मचाऱ्यांची 50 टक्के उपस्थिती ठेवण्याचे बंधनकारक करण्यात आले असले तरी बँकिंग, टेलिफोन, इंटरनेट, रेल्वे, वाहतूक, हॉस्पिटल, मेडिकल स्टोअर्स, फूड मार्केटसारख्या अत्यावश्यक सेवांना यातून वगळण्यात आले आहे.
कोरोनाबाधितांची संख्या 39 वर
राज्यात कोरोना व्हायरसचा प्रादूर्भाव मोठ्या प्रमाणात वाढत आहे. मुंबईत आतापर्यंत कोरोनाचे सहा रुग्ण आढळून आले आहेत. यासोबतच राज्यातील कोरोनाची लागण झालेल्या रुग्णांची संख्या 39 वर पोहोचली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.