मुंबईत आज कोविड लसीकरण बंद

मुंबई : ईद आणि अक्षय्यतृतीयेनिमित्त सुटी असल्याने मुंबईतील राज्य सरकार व महापालिका केंद्रांवर उद्या (मंगळवार) कोविड लसीकरण सुविधा बंद ठेवण्यात येणार आहे. बुधवारी, ४ मेपासून लसीकरण मोहीम पूर्ववत सुरू राहणार असल्याची माहिती पालिकेकडून देण्यात आली. मुंबईत कोविड लसीकरणाचा पहिला डोस १०० टक्के पूर्ण झाला आहेत.

मात्र, अजूनही दुसरा डोस पूर्ण होण्यासाठी जवळपास ३ ते ४ लाख नागरिकांचे लसीकरण बाकी आहे. याशिवाय, जून महिन्यात येणाऱ्या संभाव्य चौथ्या लाटेच्या पार्श्वभूमीवर लसीकरणाचा वेग वाढणे गरजेचे आहे. त्यासाठीचे प्रयत्न पालिकेने सुरू केले आहेत; मात्र, सुट्यांच्या पार्श्वभूमीवर शासकीय आणि पालिका लसीकरण केंद्रांवर लसीकरण बंद ठेवण्यात आले आहे.