कायदा सुव्यवस्थेला फाट्यावर मारत काही तरुणांनी नंग्या तलवारी नाचवत दोन व्यक्तीवर प्राणघातक हल्ला केल्याची धक्कादायक घटना उल्हासनगर पोलीस ठाण्याच्या हद्दीत घडली आहे.या घटनेनंतर शहरातील कायदा - सुव्यवस्थेचा प्रश्न उपस्थित झाला असून पोलिसांनी पती पत्नीला अटक केली आहे.
सोमवारी सर्वत्र श्रीराम उत्सव जल्लोषात साजरा होत असताना रात्रीच्या सुमारास उल्हासनगर कॅम्प नंबर 1 येथील धोबीघाट रोड शितलामाता मंदिरजवळ आरोपी दिनकर फुंदे याने कट रचुन ज्योती फुंदे,शिवम फुंदे, मित्र प्रथमेश आणि त्याच्या दोन साथीदारांनी मिळुन प्रमोद अगरवाल आणि मुकेश अगरवाल यांच्यावर तलवार,लोखंडी रॉड,दगडाने हल्ला करून त्यांना जीवे ठार मारण्याचा प्रयत्न केला.
लखन पाटील याने काही दिवसांपूर्वी दिनकर फुंदे यांच्यावर हल्ला केला होता, तेव्हा प्रमोद अगरवाल यांनी लखन याला जामीन दिला होता.त्याचा राग मनात असल्याने फुंदे कुटुंबीयांनी हा हल्ला केल्याचे प्रमोद अगरवाल यांनी फिर्यादीत म्हटले आहे.
याप्रकरणी दिनकर फुंदे ज्योती फुंदे या पती पत्नीला खुनाचा प्रयत्न करणे या गुन्ह्याखाली अटक करण्यात आली असून वरिष्ठ पोलीस निरीक्षक दिलीप फुलपगारे यांच्या मार्गदर्शनाखाली पोलीस निरीक्षक गुन्हे चंद्रहार गोडसे हे पुढील करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
