डोंबिवली – गुजराती दुकानदारांनी मराठी दुकानदारास मारहाण केल्याची घटना डोंबिवलीत घडली आहे. पूर्वेतील स्टेशन परिसरातील कापड्याचे दोन्ही व्यापारी असून दुकानाच्या बाहेर असलेला पुतळा हटविल्यावरुन ही हाणामारीची घटना घडली आहे. गुजराती दुकानदार देवराज, त्यांची दोन मुले मयुर व प्रितेश यांनी मराठी दुकानदार राजेंद्र शेलार त्यांच्या पत्नी सुवर्णा व मेहुणी अंजना कदम यांना मारहाण केली आहे. ही घटना सीसीटिव्ही मध्ये कैद झाली आहे. याप्रकरणी रामनगर पोलीस ठाण्यात दुकानदार देवराज, मयुर व प्रितेश यांच्या विरोधात गुन्हा दाखल करण्यात आला असून त्यांना अद्याप अटक करण्यात आलेली नाही.
डोंबिवली स्टेशन परिसरात शेलार यांचे हार्दीक किड्स नावाचे दुकान आहे, तर त्यांच्याच दुकानाच्या बाजुला देवराज यांचे डी कुमार नावाचे कपड्याचे दुकान आहे. देवराज हे त्यांच्या दुकानातील पुतळा हा शेलार यांच्या दुकानासमोर लावत असत. हा पुतळा आमच्या दुकानासमोर ठेवू नका यावरुन त्यांच्यात वाद होत असत. मंगळवारी दुपारी राजेंद्र यांनी हा पुतळा हटवून देवराज यांच्या दुकानासमोर ठेवला. याचा राग आल्याने देवराज, मयुर व प्रितेश या तिघांनी दुकानात घुसून राजेंद्र यांना मारहाण करण्यास सुरुवात केली. त्यांना वाचविण्यासाठी सुवर्णा व अंजना या मध्ये आल्या असता त्यांनी महिलांना देखील दुकानातील छत्र्यांनी मारहाण केली आहे. ही संपूर्ण घटना सीसीटिव्ही मध्ये कैद झाली आहे. याप्रकरणी देवराज, मयुर व प्रितेश यांच्याविरोधात रामनगर पोलीस ठाण्यात गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.