मास्क नाही, मग कारवाई होणारच! मास्कविना फिरणाऱ्या तब्बल 'इतक्या' जणांवर गुन्हे दाखल

ठाणे : प्रशासनाचे आदेश धाब्यावर बसवून विनामास्क फिरणाऱ्या 630 जणांवर गुन्हे दाखल करण्यात आले आहेत. अशाप्रकारे 19 मार्च ते 2 जुलै या लॉकडाऊन कालावधीत ठाणे पोलिस आयुक्तालय क्षेत्रातील पाच परिमंडळात एकूण 2, 666 गुन्हे दाखल केले असून अद्यापही कारवाई सुरूच असल्याची माहिती पोलिस प्रशासनाने दिली.

नक्की वाचा : कोरोनाची औषधं आणि औषधांच्या पुरवठ्याबाबत महत्त्वाची आणि मोठी बातमी...

ठाणे पोलिस आयुक्त विवेक फणसळकर यांनी 8 एप्रिलला घराबाहेर, कार्यालयात, सार्वजनिक ठिकाणी मास्क परिधान करणे अनिवार्य करण्याबाबतचे आदेश काढून यात कुचराई करणाऱ्यांवर कलम 188 प्रमाणे गुन्हे दाखल करण्याचे बजावले होते. त्यानुसार, 9 एप्रिल ते 2 जुलै या कालावधीत ठाणे पोलिस आयुक्तालय क्षेत्रातील कल्याण परिमंडळात विनामास्क फिरणाऱ्यावर सर्वाधिक 293 गुन्हे दाखल असून, ठाणे परिमंडळात 49, भिवंडीत 91, उल्हासनगरमध्ये 82 आणि वागळे परिमंडळ 5 मध्ये 115 असे एकूण 630 गुन्हे दाखल केले आहेत.

मोठी बातमी! गणेशोत्सव मंडळांसाठी गृहविभागाकडून मार्गदर्शक तत्त्वे जाहीर; वाचा काय आहेत नियम .. 

दरम्यान, 19 मार्च ते 2 जुलै या कालावधीत मनाई आदेशाचा भंग केल्याचे 2 हजार 630 गुन्हे दाखल असून पोलिसांवर हल्ले केल्याचे 16 गुन्हे आणि अफवा पसविल्याप्रकरणी 13 जणांवर गुन्हे नोंदवण्यात आले आहेत, अशी माहिती पोलिसांनी दिली.

(संपादन : वैभव गाटे)

crimes have been registered against so many people without masks