फडणवीसांच्या पुतण्याला लस मिळतेच कशी?, काँग्रेसचा सवाल

मुंबई: विधानपरिषदेचे विरोधी पक्षनेते देवेंद्र फडणवीस यांच्या २३ वर्षीय पुतण्यानं लस घेतल्यानं आता चांगलंच राजकारण तापलं आहे. येत्या १ मे रोजीपासून केंद्र सरकारनं देशातील १८ वर्षांवरील सर्वांना कोरोनाची लस घेण्याची मुभा दिली आहे. मात्र फडणवीस यांचा पुतणा तन्मय फडणवीस यांनी आधीच लस घेतल्यानं काँग्रेसनं फडणवीस यांच्यावर टीका केली आहे. एकीकडे रेमडेसिवीरच्या मुद्द्यावरुन राजकारण तापलं आहे. त्यातच आता देवेंद्र फडणवीस यांच्यावर काँग्रेसनं या मुद्द्यावरुन हल्लाबोल चढवला आहे.

काय म्हटलं काँग्रेसनं

महाराष्ट्र काँग्रेसनं आपल्या ट्विटर हॅडलवरुन ट्विट करुन ही टीका केली आहे. “४५ वर्षांवरील लोकांनाच लस देण्याची अट मोदी सरकारने घातली आहे. असं असताना फडणवीसांच्या ४५ वर्षांपेक्षा कमी वय असलेल्या पुतण्याला लस मिळतेच कशी? भाजप नेत्यांच्या कुटुंबीयांचा जीव महत्त्वाचा मग इतर लोक काय कीडे मुंग्या आहेत का? त्यांच्या जीवाची काहीच किंमत नाही का!” असा सवाल काँग्रेसनं उपस्थित केला आहे.

तसंच तन्मय फडणवीस ४५ वर्षांपेक्षा मोठा आहे का? फ्रंटलाईन वर्कर आहे का? आरोग्य कर्मचारी आहे का? भाजपकडे रेमडेसिवीरप्रमाणे लसींचाही गुप्त साठा आहे का?” असे प्रश्नही काँग्रेसने उपस्थित केलेत.

https://twitter.com/INCMaharashtra/status/1384156032595685376?ref_src=twsrc%5Etfw%7Ctwcamp%5Etweetembed%7Ctwterm%5E1384156032595685376%7Ctwgr%5E%7Ctwcon%5Es1_&ref_url=https%3A%2F%2Fwww.tv9marathi.com%2Fpolitics%2Fdevendra-fadnavis-young-nephew-tanmay-fadanvis-gets-corona-vaccine-social-media-ask-eligibility-441203.html

देवेंद्र फडणवीस यांचे पुतणे तन्मय फडणवीस यांनी लस घेतानाचे फोटो सोशल मीडियावर शेअर केले. फोटो शेअर करताच ते सोशल मीडियावर व्हायरल झाले. त्यानंतर फडणवीस यांच्यावर सत्ताधाऱ्यांनी टीका करण्यास सुरुवात केली.

https://twitter.com/Cryptic_Miind/status/1384140451855278095?ref_src=twsrc%5Etfw%7Ctwcamp%5Etweetembed%7Ctwterm%5E1384140451855278095%7Ctwgr%5E%7Ctwcon%5Es1_&ref_url=https%3A%2F%2Fwww.tv9marathi.com%2Fpolitics%2Fdevendra-fadnavis-young-nephew-tanmay-fadanvis-gets-corona-vaccine-social-media-ask-eligibility-441203.html

समोर आलेल्या माहितीनुसार, तन्मय यांनी पहिली लस ही मुंबईतर तर लस घेतानाचा जो दुसरा फोटो व्हायरल झाला तो नागपुरातला आहे. तन्मय हा पेशानं इंजिनिअर आहे. तसंच विरोधीपक्ष नेते देवेंद्र फडणवीस यांचा पुतणा तर माजी मंत्री शोभा फडणवीस यांचे नातू आहे. नागपुरातील पब्लिक फिगर असे इन्स्टाग्राम बायोमध्ये मेन्शन करण्यात आलेलं आहे.