चार्जशीटमधून भिडेंचं नाव का वगळलं; गृहमंत्र्यांचे स्पष्टीकरण | Sakal
sakal

बोलून बातमी शोधा

Sambhaji bhide Walse patil

चार्जशीटमधून भिडेंचं नाव का वगळलं; गृहमंत्र्यांचे स्पष्टीकरण

मुंबई : शिवप्रतिष्ठानचे संस्थापक संभाजी भिडे (Sambhaji Bhide) यांना कोरेगाव भिमा येथील दंगल प्रकरणात क्लीनचीट देण्यात आली आहे. त्यानंतर यावर राज्याचे गृहमंत्री दिलीप वळसे पाटील (Dilip Walse Patil) यांनी प्रतिक्रिया देत मोठे विधान केलं आहे. ते म्हणाले की, संभाजी भिडे यांना क्लीनचीट मिळाली असं म्हणायचे कारण नाही. ज्यावेळी गुन्हा दाखल झाला त्यावेळी एफआयआरमध्ये नाव होतं. मात्र, आता पुरावे न मिळाल्याने त्यांचे नाव चार्जशीटमधून काढण्यात आले असावे. मात्र, तरीही आम्ही तपासून घेऊ, असे विधान वळसे पाटील यांनी केले आहे. ते मुंबईत माध्यामांशी बोलत होते. (Dilip Walse Patil On Sambhaji BHide)

हेही वाचा: राज ठाकरेंना इशारा देणाऱ्या भाजप खासदाराला मनसेचे प्रत्युत्तर

भीमा कोरेगाव हिंसाचारात संभाजी भिडेंचा सहभाग नाही: पोलीस

भीमा कोरेगाव हिंसाचार प्रकरणात शिव प्रतिष्ठानचे प्रमुख संभाजी भिडे यांचा सहभाग नसल्याचं पुणे पोलिसांनी म्हटलं आहे. पुणे जिल्ह्यातील कोरोगाव भीमा इथं झालेल्या हिंसाचारप्रकरणी शिवप्रतिष्ठानचे संभाजी भिडे यांच्याविरोधात सन २०१८मध्ये गुन्हा दाखल झाला होता. पण तपासादरम्यान संभाजी भिडे यांचा कोरोगाव भीमा हिंसाचार प्रकरणात सहभाग आढळला नसल्याचं पोलिसांनी कोर्टात सांगितलं आहे. तसेच ही माहिती राज्य मानवी हक्क आयोगालाही पुणे ग्रामीण पोलिसांकडून देण्यात आली आहे. संभाजी भिडे यांच्याविरोधात अनिता सावळे यांनी तक्रार दिली होती.

Web Title: Dilip Walase Patil Reaction On Sambhaji Bhide Name Remove From Korogaon Bhima Riot

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top