Dombivli News : गाय अंगावर धावून आली अन् शाळेला जाणारी मुलगी शेणात रुतली; डोंबिवली पूर्वेत असं काय घडलं?

डोंबिवली : डोंबिवली पूर्वेतील गोग्रासवाडी परिसरातील गोशाळा येथील प्रकाश विद्यालयासमोर जमा असलेल्या शेणात एक मुलगी फसल्याची घटना मंगळवारी घडली. या परिसरातून जाणाऱ्या नागरिकांच्या ही बाब लक्षात येताच, जागरुक नागरिकांनी प्रसंगावधान राखत मुलीला सुखरुप बाहेर काढले. .येथील गोठ्याबाहेर गेल्या अनेक वर्षांपासून शेण जमा असून दलदल सदृष्य परिस्थिती तेथे निर्माण झाली आहे. येथून हा गोठा हटविण्यात यावा, अशी मागणी येथील नागरिक करत आहेत. पूर्वेतील गोग्रावसाडी परिसरातील प्रकाश विद्यालयासमोरील गोशाळेच्या बाहेर मोठ्या प्रमाणात शेण जमा झालेले आहे. गेल्या अनेक वर्षांपासून येथे शेण जमा होत आहे..हनिमूनसाठी सिक्कीमला गेलेलं नवविवाहित जोडपं बेपत्ता; गेल्या महिन्यातच झालं होतं लग्न, घात की अपघात? चर्चांना वेगळं वळण.काही नागरिक त्याठिकाणी कचरा, घरातील निर्माल्य आणून टाकत असल्याने तेथे घाणीचे साम्राज्य निर्माण झालेले आहे. मंगळवारी या परिसरातून एक लहान मुलगी जात होती. तेथून जात असताना तिच्या अंगावर एक गाय धावून आली. तिच्यापासून वाचण्यासाठी मुलीने रस्ता बदलण्याचा प्रयत्न केला. मात्र, त्याठिकाणी रस्ता नव्हता तर शेणाचा चिखल होता. त्यात तिचा पाय रुतला. तिने त्या शेणातून बाहेर पडण्याचा प्रयत्न केला, मात्र शेणाचा खड्डा एवढा मोठा झाला आहे की त्यात ती आणखीनच फसत होती..लव्ह मॅरेजला विरोध, लग्नानंतर राजाची हत्या, विधवा होताच बाबा लग्नाला होतील तयार; सोनमने राजला सांगितलेला प्लॅन.त्या ठिकाणाहून जात असलेले जागरुक नागरिक नितीन कदम आणि एक महिला तिच्या मदतीसाठी धावून गेले. त्यांनी तिला सुखरूप बाहेर काढले. दरम्यान, संबंधित गोठ्यासंदर्भात अनेकवेळा केडीएमसी प्रशासनाकडे तक्रारी करण्यात आल्या असल्याची माहिती मनसेचे माजी नगरसेवक मनोज घरत यांनी दिली..संबंधित जागा ही मुंबई गोग्रास भिक्षा संस्थेची असून, त्यांनीही गोठ्यावर कारवाई करण्याबाबत पत्रव्यवहार केला असल्याचे त्यांनी सांगितले. फ प्रभाग क्षेत्र अधिकारी याकडे गांर्भियाने लक्ष देत नसल्याने आज मुलगी या शेणात रुतल्याची घटना घडली. एखादा मोठा अपघात झाल्याशिवाय प्रशासनाला जाग येणार नाही. याविषयी ठोस कारवाई न केल्यास मनसे स्टाईलने जाब विचारला जाईल असे घरत यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.