Crime News : घृणास्पद! पतीनेच पत्नीचा अश्लील व्हिडीओ काढून केला व्हायरल; डोंबिवलीतला प्रकार

पती-पत्नीच्या वादातून पतीने पत्नीचा व्हिडीओ व्हायरल केल्याची घटना डोंबिवलीमध्ये घडली आहे. या प्रकरणी पत्नीने पोलिसांत तक्रार दिली आहे. त्यानंतर पोलिसांनी गुन्हा नोंद करून तक्रारही दाखल केली आहे.

पीडित महिला आपल्या पतीसोबत डोंबिवली पूर्व भागामध्ये राहत होती. २०२० साली त्यांचं लग्न झालं होतं. त्यांच्यामध्ये बऱ्याच काळापासून वाद होत होते. याच वादांमुळे पतीने या महिलेचे अश्लील व्हिडीओ तयार केले आणि ते सोशल मीडियावर व्हायरल केले.

त्यानंतर पत्नीने सदर प्रकाराचा जाब पतीला विचारला. मात्र त्याने तिला मारहाण केली आणि आपण दुसरं लग्न करणार असल्याचंही सांगितलं. त्यानंतर पती आणि त्याच्या कुटुंबाने महिलेला शिवीगाळ केली. या प्रकरणी मानपाडा पोलिस ठाण्यात तक्रार दाखल करण्यात आली आहे.