ड्रग्ज विरोधात एका मोठ्या कारवाईत 500 कोटी रुपयांपेक्षा जास्त किमतीचे 50.23 किलो कोकेन अमली पदार्थ जप्त केले आहे.
मुंबई - ड्रग्ज विरोधात एका मोठ्या कारवाईत, महसूल गुप्तचर संचालनालयाच्या म्हणजेच डीआरआय झोन युनिटने आंतरराष्ट्रीय बाजारात 500 कोटी रुपयांपेक्षा जास्त किमतीचे 50.23 किलो कोकेन अमली पदार्थ जप्त केले आहे. डीआरआयनी दिलेल्या माहितीनुसार, डीआरआय अधिकाऱ्याना गुप्त माहितीच्या आधारे तपास यंत्रणेने कारवाई केली.
6 ऑक्टोबर रोजी, न्हावा शेवा बंदरावर डीआरआयने दक्षिण आफ्रिकेतून आयात होत असलेल्या हिरवी सफरचंद असलेला कंटेनर रोखला. मालाची तपासणी केल्यावर, हिरव्या सफरचंदांच्या बॉक्समध्ये कोकेनच्या प्रत्येकी अंदाजे 1 किलो वजनाच्या मोठ्या विटा लपविल्या गेल्याचे उघड झाले. या कारवाईदरम्यान 50.23 किलो वजनाच्या आणि 502 कोटी रुपयांच्या एकूण 50 विटा जप्त करण्यात आल्या. मिळालेल्या माहितीनुसार कोकेन असलेला सफरचंदाचा कंटेनर वाशी येथील एका व्यापाऱ्याच्या नावाने दक्षिण आफ्रिकेतून आयात केला जात होता. याच व्यापाऱ्याला या महिन्याच्या सुरुवातीला डीआरआयने 198 किलो एमडी आणि 9 किलो कोकेन तस्करी प्रकरणी अटक केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.