ED ने तयार केला कोठडी अहवाल, प्रताप सरनाईक यांच्या अडचणी वाढणार ?

मुंबई : ED ने सुरु केलेली प्रताप सरनाईक यांची चैकशी सरनाईक यांना भोवणार अशी चिन्ह दिसतायत. कारण मिळालेल्या माहितीनुसार अंमलबजावणी संचनालयानंआतापर्यंत केलेल्या तपासानंतर ED कोठडी अहवाल तयार केलाय अशी माहिती आहे. सूत्रांकडून मिळालेल्या माहितीनुसार या अहवालात प्रताप सरनाईक यांच्यावर काही गंभीर स्वरूपाचे आरोप करण्यात आले आहेत. कालच ED कडून प्रताप सरनाईक यांचे निकटवर्तीय अमित चंडोळे यांना अटक देखील करण्यात आली आहे.

दरम्यान, ED ने न्यायालयात जो कोठडी अहवाल सादर केलाय त्यामध्ये थेट प्रताप सरनाईक यांचे नाव घेतले गेलेय असंही समजतंय. MMRDA मधील बनावट टॉप्स सुरक्षारक्षकांची निम्मी रक्कम देखील प्रताप सरनाईक यांना जात होती, असाही दावा इडीने न्यायालयासमोर केला आहे. 

महत्त्वाची बातमी : मुंबई उच्च न्यायालयाचा कंगना राणावतला दिलासा तर महापालिकेला दणका

काय आहेत हे गंभीर आरोप 

राहुल नंदा आणि अमित चंडोळे यांची भेट प्रताप सरनाईक यांनी घडवून आणली होती. MMRDA चे सुरक्षारक्षकांचे टेंडर निघण्यापूर्वी या टेंडर्समधून 50 टक्के नफा प्रताप सरनाईकांना दिला जाईल असे तोंडी व्यवहार ठरले होते. मुंबईतील सर्व उड्डाणपुलांवर सुरक्षा रक्षक आणि ट्रॅफिक मार्शल पुरवण्याचे MMRDA चे कंत्राट टॉप्स ग्रुपला मिळाले होते. ज्यासाठी प्रत्येक महिन्याला साधारण ३२ ते ३३ लाख रुपये MMRDA denar होती. पैसे ५०-५० टक्के प्रॉफिट शेअरिंग नुसार टॉप्स आणि सरनाईक यांच्यात विभागले जातील असंही ठरलं होतं. त्यासाठीचे पैसे सरनाईकांसाठी अमित चंडोळे यांच्याकडून रोख रक्कमेत स्वीकारले जायचे. MMRDA आणि टॉप्स ग्रुपमध्ये जे व्यवहार व्हायचे त्या व्यवहारातील 50 टक्के रक्कम राहुल नंदा आणि प्रताप सरनाईक यांना ठरलेल्या करारापलीकडे रोख किंवा इंटरनेट बँकिंग स्वरूपात दिली जायची. MMRDA सुरक्षारक्षक कंत्राटामधील 30 टक्के बनावट सुरक्षा रक्षकांमधील 50 टक्के हिस्सा अमित चंडोळेकडून घेतला जायचा जो की प्रताप सरनाईक यांचा आहे असं टॉप्स ग्रुपचे उपाध्यक्ष रमेश अय्यर यांना टॉप्स ग्रुपचे मालक राहुल नंदा यांनी सांगितले होते. 

दरम्यान येत्या काळात हे प्रकरण काय वळण घेतं यावर सर्वांचं लक्ष आहे.

ED investigation pratap sarnaik closet report tops group rahul nanda MMRDA