25 हजाराची लाच घेताना शिक्षणाधिकारी लाचलुचपतच्या जाळ्यात

या घटनेमुळे पालघर जिल्हा परिषद शिक्षण विभागाला भ्रष्टाचाराची कीड लागली असल्याची चर्चा सुरुये
Bribe crime
Bribe crimesakal media
Summary

या घटनेमुळे पालघर जिल्हा परिषद शिक्षण विभागाला भ्रष्टाचाराची कीड लागली असल्याची चर्चा सुरुये

पालघर : जिल्हा परिषदेच्या प्राथमिक विभागाच्या शिक्षणाधिकारी लता सानप यांना एका शिक्षिकेकडून २५ हजारांची लाच घेताना पालघरच्या लाचलुचपत प्रतिबंधक विभागाच्या अधिकाऱ्यांनी पकडले. दरम्यान, याप्रकरणी वादग्रस्त शिक्षणाधिकारी लता सानप यांना पोलिसांनी अटक केली आहे. शिक्षकाची बदली करण्यासाठी ही लाच मागितली असल्याची प्राथमिक माहिती हाती येत आहे. या घटनेमुळे पालघर जिल्हा परिषद शिक्षण विभागाला भ्रष्टाचाराची कीड लागली असल्याची चर्चा शैक्षणिक वर्तुळात सुरु आहे .

Bribe crime
'माथेफिरूकडून ओठाच्या खाली टोमॅटो सॉस लावून राष्ट्रपती राजवटीची मागणी होतीय'

घडलेली घटना अशी, पालघरमध्ये शिक्षणाधिकारी पदाचा कारभार हाती घेतल्यानंतर लता सानप यांच्या उर्मठ वागण्याचा अनुभव अनेकांना आला होता. त्यांच्याविरोधात अनेक तक्रारी करून त्यांची बदली करावी, यासाठी अविश्वासाचा ठराव जिल्हा परिषदेच्या सभेत घेण्यात आला होता व तो मंजूर झाला होता. जिल्ह्यातील एका शिक्षिकेची बदली करण्यासाठी आज (ता. २५) शिक्षणाधिकारी लता सानप यांनी २५ हजार रुपयांची लाच मागितली होती. याबाबत तक्रार प्राप्त झाल्यानंतर सानप यांच्या घरात २५ हजारांची लाच घेताना त्यांना ताब्यात घेतले असल्याचे लाचलुचपत विभागाचे पोलिस उपअधीक्षक नवनाथ जगताप यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com