भिवंडीत आठ वर्षीय मुलीवर बलात्कार करून निर्घृण हत्या 

भिवंडी : घराबाहेर खेळणाऱ्या आठ वर्षीय मुलीचे अपहरण करुण तीच्यावर बलात्कार करुण झूडपात दगडाने ठेचून हत्या केल्याची संतापजनक घटना समोर आली आहे. ही घटना भिवंडी तालुक्‍यातील कारीवली येथिल सुभाषनगर परिसरात घडली. घटनेची माहिती मिळताच पोलिसांनी घटनास्थळी धाव घेत मृतदेह ताब्यात घेऊन अज्ञात व्यक्तीविरूध्द गुन्हा दाखल केला आहे. या घटनेमुळे संपुर्ण भिवंडी तालुक्‍यात संतापाची लाट पसरली आहे. 

हत्या झालेल्या मुलीचे वडील कारीवली येथे घरातच खानावळ चालवीतात. शनिवारी रात्री साडेनऊ वाजण्याच्या सुमारास पीडित मुलगी घराबाहेर रस्त्यावर आईस्क्रीम विक्रेत्याकडुन आईस्क्रीम घेऊन घरी आली. त्यानंतर घरा बाहेर खेळात असताना अज्ञात नराधमाने तिचे अपहरण केले. त्यानंतर मुलीच्या घरा शेजारील झुडपात तिच्यावर बलात्कार करुन रात्रीच्या अंधारात तिच्या डोक्‍यात दगड घालुन तीची हत्या केली. मुलगी बराचवेळ दिसत नसल्याने तीच्या आई वडिलांनी रात्री दोन वाजेपर्यंत मुलीचा शोध घेतला मात्र ती सापडली नाही.

ही बातमी वाचा ः अल्पवयीन आरोपी मुलीवर बलात्कार

त्यानंतर सकाळी  6 वाजताच्या सुमारास तेथील झुडपात शौचास गेलेल्या एका व्यक्तीस तिचा मृतदेह आढळून आल्याने त्याने आरडाओरड करीत कुटुंबियांना माहिती दिली. त्यानंतर आईवडिलांनी घटनास्थळी धाव घेतली आपल्या चिमुरडीचा मृतदेह मातापित्याने हंबरडा फोडला.

दरम्यान पीडितेच्या वडिलांनी या घटनेची माहिती गावातील सरपंचाना दिली. त्यानंतर पोलिसांनी घटनास्थळी धाव घेऊन पाहणी केली. तसेच मुलीचा मृतदेह ताब्यात घेऊन भिवंडीतील रूग्णालयात शवविच्छेदनासाठी पाठवून दिला. या प्रकरणी अज्ञात व्यक्तीवर गुन्हा दाखल केला आहे. दरम्यान फॉरेन्सिक पथक व श्वान पथकासह विशेष गुन्हे शाखेचे पथके घटनास्थळी दाखल माहिती गोळा करून आरोपीचा शोध घेण्यासाठी रवाना झाले आहेत.