Mumbai Crime: मोठ्या भावाची लहान भावांकडून हत्या

Mumbai Crime: मालाड आणि मालवणीतील दोन घटनेत मोठ्या भावांची लहान भावांनी हत्या केल्याची घटना उघडकीस आली आहे. डेमियन मार्कोस डिसा आणि जॉय जॉन पॉल अशी मृतांची नावे आहेत.

याप्रकरणी बांगूरनगर आणि मालवणी पोलिसांनी गुन्हे दाखल केले आहेत. यातील एका प्रकरणात जोश जॉन पॉल या भावाला मालवणी पोलिसांनी अटक केली. दुसऱ्या गुन्ह्यांतील आरोपी भाऊ ड्रेसन डिसा पळून गेला असून त्याचा शोध सुरू असल्याचे वरिष्ठ निरीक्षक प्रमोद तावडे यांनी सांगितले.

डेमियन डिसा मालाडच्या पद्मानगरात भावाच्या कुटुंबीयांसोबत राहत होता. वैद्यकीय कारणांमुळे ड्रेसनने त्याची संपत्ती विकण्याचा निर्णय घेतल्याने डेमियनने त्याला विरोध केला. यातून शुक्रवारी दोघांमध्ये वाद होऊन ड्रेसनने डेमियनच्या डोक्यात कुंडी घालून त्याची हत्या केली.

दुसऱ्या घटनेत मालवणीतील साईदर्शन सोसायटी चाळीत जॉय आणि जोश हे दोन भाऊ राहत होते. शुक्रवारी रात्री उशिरा जॉय दारुच्या नशेत घरी आल्याने जॉयसोबत त्याचा पैशांवरून वाद झाला. या वादातून जोशने जॉयला जमिनीवर आपटले. यात डोक्याला गंभीर मार लागल्याने जॉयचा मृत्यू झाला.