उद्धव ठाकरेंसाठीची 'ती' गोड बातमी अखेर आली....

मुंबई - मुख्यमंत्री उद्धव ठाकरे यांना राजीनामा द्यावा लागतोय की काय अशी परिस्थिती महाराष्ट्राच्या राजकीय परिघात चर्चा होती. ऐन कोरोनाच्या संवेदनशील परिस्थितीत महाराष्ट्रात राजकीय गरमगरमी पाहायला मिळाली. मात्र आता महाराष्ट्राचे मुख्यमंत्री उद्धव ठाकरे यांच्यासाठी चांगली बातमी समोर येतेय. निवडणूक आयोगाने महाराष्ट्रातील विधान परिषदेच्या नऊ जागांसाठी निवडणूक घेण्याचा निर्णय घेतला आहे. आज सकाळी हा निर्णय घेण्यात आलाय. 

सुन्न करणारं वास्तव ! कंपनीनं केली पगार कपात म्हणून त्यानं स्वतःला.... 
 

मोठी बातमी - मुंबईतील प्लाझ्मा थेरेपी केलेल्या 'त्या' रुग्णाने अखेर मिटले डोळे

महाराष्ट्रात घटनात्मक पेच निर्माण होऊ नये म्हणून महाविकास आघाडीकडून २ वेळेस राज्यपालांना मुख्यमंत्र्यांना राज्यपाल कोट्यातून आमदार करण्याची मागणी करण्यात आली. यानंतर मुंबई उच्च न्यायालयात याचिका देखील करण्यात आली. महाविकास आघाडीने केंद्रीय निवडणूक आयोगाकडे लवकर विधान परिषदेची निवडणूक घेण्याची मागणी केलेली, स्वतः राज्यपाल कोश्यारी यांनी देखील तशा प्रकारची मागणी केल्यानंतर आज मुख्यमंत्री उद्धव ठाकरे यांना  दिलासा मिळाल्याचं पाहायला मिळतेय. त्यामुळे ठाकरे यांना 28 मे च्या आत आमदार होणे शक्य होणार आहे. 

निवडणूक आयोगाच्या माहितीनुसार निवडणूक घेण्यास अनुमती जरी दिली असली तरीही निवडणुकीसाठी सोशल डिस्टंसिंगचे नियम पाळावे लागणार आहेत.   

election commission grants permission to conduct Legislative Council MLCs in Maharashtra