यावर्षी अकरावी प्रवेशाच्या जागा घटल्या; प्रवेशासाठी फक्त 'इतक्या' जागा उपलब्ध

मुंबई: मुंबई महानगर प्रदेशातील अकरावी ऑनलाइन प्रवेश प्रकियेसाठी यंदा 3 लाख 20 हजार 120 जागा उपलब्ध आहेत. यंदा या जागांमध्ये सुमारे सहा हजारांची घट झाली आहे. सर्वाधिक जागा या वाणिज्य शाखेच्या आहेत. अकरावी ऑनलाइन प्रवेश प्रक्रिया सुरू झाली असून विद्यार्थ्यांना 1 ऑगस्टपासून प्रवेश अर्जाचा भाग 1 भरता येणार आहे. या प्रवेशाचे वेळापत्रक लवकरच जाहीर होईल, अशी माहिती मुंबई विभागीय शिक्षण उपसंचालक कार्यालयातून देण्यात आली.

...अन्यथा खाजगी वीज कंपन्यांना झटका देऊ; राज ठाकरे यांचे मुख्यमंत्र्यांना पत्र

मुंबई महानगर प्रदेशातील अकरावी ऑनलाइन प्रवेशाची प्रक्रिया मुंबई विभागीय शिक्षण उपसंचालक कार्यालयामार्फत राबविण्यात येते. गत वर्षी मुंबई विभागात अकरावी प्रवेशासाठी सुमारे 3 लाख 26 हजार जागा उपलब्ध होत्या. अंतर्गत गुणामुळे निर्माण झालेला गोंधळ सोडविण्यासाठी काही महाविद्यालयांना केवळ एका वर्षासाठीच जागांमध्ये वाढ करण्याची परवानगी देण्यात आली होती. त्यामुळे यंदा प्रवेशाच्या जागा कमी झाल्या अाहेत. कमी झालेल्या जागांमध्ये 5 टक्के जागा या विज्ञान शाखेच्या तर 8 टक्के जागा या वाणिज्य आणि कला शाखेच्या अाहेत. यंदा 838 कनिष्ठ महाविद्यालयात प्रवेशप्रक्रिया होणार अाहे. गेल्यावर्षीपेक्षा महाविद्यालयांची संख्या वाढली असली तरी सेल्फ फायनान्स तत्वावर मान्यता मिळालेली काही महाविद्यालये बंद झाल्यानेही जागांमध्ये घट झाल्याचे बोलले जात आहे.

कोव्हिड रुग्णांचे नाव न जाहीर करण्यावर न्यायालय ठाम; बहिष्काराचा धोका असल्याचे दिले कारण..

शाखानिहाय उपलब्ध जागा

• - कला 37,300
• - वाणिज्य 1,73,960
• - विज्ञान 1,03,190
• - एमसीव्हीसी 5670
• एकूण 3,20,120

-----------------------------------------------------

संपादन - तुषार सोनवणे