उल्हासनगर : 2-ऍप्पल बार चे मालक आणि भाडेकरू यांचा भाड्याचा वाद पोलीस ठाण्यात गेल्यावर आणि या बार मधील मद्य परवान्याचे लायसन्स संपल्याची तक्रार मालकाने केल्यावर एक्ससाईज विभागाने मद्याचा फ्रिजर सील केल्याने उल्हासनगरातील या बारमध्ये मद्य विक्रीला बंदी घालण्यात आली आहे.
श्रीराम चौकात हा ऍप्पल बार असून ही मालमत्ता मधू तेजवाणी यांच्या मालकीची आहे.त्यांनी 2022 पासून ही मालमत्ता रोहित पांडव यांना भाडेतत्त्वावर देण्यात आलेली आहे.2024 साली भाडेकरार नामा हा संपुष्टात आलेला आहे.मात्र सदर चालक हा भाडे देत नसून हॉटेल ही खाली करत नाही.
त्यामुळे तेजवानी यांनी पोलीस ठाण्यात तक्रार केली आहे.हॉटेलचं लायसेन्स मधू तेजवानी यांच्या नावे असून त्याची मुदत संपलेली आहे,याविषयी त्यांनी राज्य उत्पादन शुल्क(एक्ससाईज) विभागाकडे तक्रार केली होती. त्यानुसार उल्हासनगर राज्य उत्पादन शुल्क विभागाचे वरिष्ठ पोलीस निरीक्षक निखिल जाधव यांच्या मार्गदर्शनाखाली ऍप्पल बार मधीलदारू विक्री करण्यास बंदी घातली असून हॉटेलमधील असलेल्या फ्रिजरला सील करण्यात आले आहे.
यासंदर्भात वरिष्ठ पोलीस निरीक्षक निखिल जाधव यांच्याशी संपर्क साधला असता राज्य उत्पादन शुल्क विभाग हा मद्य(लिकर)शी संबंधित असून लायसन्सची मुदत संपल्याने फ्रिजरला सील करून बारमध्ये मद्य विक्रीला बंदी घालण्यात आली असल्याची माहिती दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.