पॉलिटेक्निकच्या ऑनलाईन प्रवेश प्रक्रियेला मुदतवाढ; या तारखेपर्यंत विद्यार्थ्यांना भरता येणार अर्ज

मुंबई : दहावीनंतर अभियांत्रिकी पदविका अभ्यासक्रमाच्या ( पॉलिटेक्निक) ऑनलाईन प्रवेश प्रक्रियेला मुदतवाढ देण्यात आली आहे. त्यानुसार विद्यार्थांना 4 सप्टेंबरपर्यंत अर्ज भरता येणार असून तात्पुरती गुणवत्ता यादी 7 सप्टेंबरला तर अंतिम गुणवत्ता यादी 12 सप्टेंबरला जाहीर केली जाणार आहे. प्रवेशासाठी 72 हजार विद्यार्थ्यांनी अर्ज भरले आहेत.

ट्रायच्या शुल्क आकारणीवर सुनावणी पूर्ण; उच्च न्यायालयाने निकाल ठेवला राखून

प्रथम वर्ष पदविका अभियांत्रिकी अभ्यासक्रमांच्या आणि बारावीनंतरच्या प्रथम वर्ष पदविका अभ्यासक्रमांच्या प्रवेशाकरीता आवश्यक असणारे जातीचे प्रमाणपत्र, नॉन-क्रिमीलेअर प्रमाणपत्र, उत्पन्नाचे प्रमाणपत्र इत्यादी कागदपत्रे विद्यार्थ्यांना सादर करता यावीत, यासाठी प्रवेश प्रक्रियेला मुदतवाढ देण्यात आली आहे. सुधारित प्रवेश प्रक्रियेचे वेळापत्रक संकेतस्थळावर उपलब्ध करून देण्यात आले आहे.

मुंबईची मेट्रो सुरू करण्याबाबत मोठी अपडेट; कोणत्या अटी शर्थींसह मेट्रो येणार सेवेत? वाचा

कोरोनाचा पार्श्वभूमीवर तंत्र शिक्षण संचालनालयाने यंदा ऑनलाइन कागदपत्र पडताळणीची संकल्पना राबविली आहे. त्यानिसर ऑनलाईन अर्ज भरणे व निश्चित करणे याकरिता उमेदवार त्यांच्या सोयीनुसार कागदपत्रे पडताळणीची ऑनलाइन किंवा ऑफलाईन यापैकी एक पर्याय निवडू शकणार आहेत. उमेदवाराचा अर्ज व कागदपत्रे सुविधा केंद्राद्वारे पडताळला जाणार व निश्चित केला जाणार आहे.

--------------------------------------------------------------

( संपादन - तुषार सोनवणे )