शेअर खरेदीच्या प्रलोभनातून साडेतीन लाखाचा गंडा !

ठाणे, ता. २६ (वार्ताहर) : ब्लॅक स्टोन या ट्रेडींग ॲपद्वारे ट्रेडींग केल्यास सहा टक्के मार्केट रेटपेक्षा कमी दरात शेअर्स खरेदीच्या प्रलोभनातून किरण दरबारे (४६) यांना अज्ञात महिला आणि व्यक्तीने ऑनलाईन तीन लाख ५० हजारांचा गंडा घातला. ही घटना २५ एप्रिल ते २ मे या कालावधीत घडली. या प्रकरणी शुक्रवारी (ता. २४) कोपरी पोलिस ठाण्यात दोघा अज्ञातांवर गुन्हा दाखल केला. तक्रारदार किरण दरबारे यांना अनोळखी मोबाईलधारक महिला व व्यक्तीने कॉल करून ब्लॅक स्टोन या ट्रेडींग ॲपद्वारे ट्रेडींग केल्यास सहा टक्के मार्केट रेटपेक्षा कमी दरात शेअर्स खरेदी करण्याचे प्रलोभन दाखवले. त्यानंतर फिर्यादींना व्हॉटस्ॲप ग्रुपमध्ये ॲड करून ॲप डाऊनलोड करण्यास सांगितले. तसेच त्याद्वारे तीन लाख ५० हजारांचे शेअर्स खरेदी करण्यास सांगितले; मात्र ती रक्कम परत केली नाही. याप्रकरणी तक्रारदार दरबारे यांनी कोपरी पोलिस ठाण्यात गुन्हा दाखल केला.