डोंबिवली - कल्याण ग्रामीण मधील पलावा पुलाचे काम रखडल्याने मनसे नेते तथा कल्याण ग्रामीणचे माजी आमदार राजू पाटील यांनी सकाळी एक्स पोस्ट करत कुणाल कामरा याच्या हस्ते 31 एप्रिलला उद्घाटन अशी पोस्ट केली होती.
यावरून शिवसेना शिंदे गटाचे आमदार राजेश मोरे यांनी ताबडतोब फेसबुकवर माजी आमदार पाटील 1 एप्रिलला शपथविधी अशी पोस्ट करत पाटील यांना डिवचले. यावर पाटील यांनी त्याला कंमेंट्स करत संजय निरूपण यांचा एक व्हिडिओ पोस्ट केला आहे. यावरून कल्याण ग्रामीणमध्ये शिवसेना व मनसेच्या आजी माजी आमदारांमध्ये जोरदार सोशल वॉर सुरू झाले आहे.
आज एक एप्रिल... एप्रिल फुल चा दिवस याच निमित्त मनसेचे माजी आमदार आणि नेते राजू पाटील यांनी एक्स पोस्ट करत उपमुख्यमंत्री एकनाथ शिंदे यांना पलावा पुलाच्या कामावरून सवाल उपस्थित केला.
त्यानंतर शिवसेना शिंदे गटाकडून त्याला प्रत्युत्तर देण्यात आले आहे. शिवसेना शिंदे गटाचे कल्याण ग्रामीणचे आमदार राजेश मोरे यांनी आपल्या फेसबुक पोस्टवर राजू पाटील यांचा फोटो टाकत राजू पाटील यांची आमदार पदी निवड मनसेच्या शाडो कॅबिनेटचा निर्णय.
आज एक एप्रिलला होणार शपथविधी शपथ विधीसाठी जगभरातून राष्ट्राध्यक्ष कल्याण ला येणार... अशा प्रकारचा टोला शिंदे गटाचे आमदार राजेश मोरे यांनी फोटोद्वारे लगावला आहे. आता यालाच मनसे नेते राजू पाटील यांनी थेट स्वतःच्या फेसबुक अकाउंट वरून उत्तर दिले आहे.
मोरे साहेब आमदार झाल्याबरोबर निरुपम वर कारवाई करण्यासाठी तुमच्या जोडीने आंदोलन करणार, एप्रिल फुल... असे म्हणत संजय निरुपम यांचा एक व्हिडिओ त्यांनी शेअर केलाय. त्यामुळे मनसे आणि शिंदे गट यांच्यात सोशल वॉर होताना दिसत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.