मुरबाड तहसीलदार कार्यालयाकडून वाळू माफियांवर गुन्हा दाखल

सरळगाव (ठाणे) - जूमगीरी करणा-या रेतीमाफियांना मुरबाड तहसिलदारांकडून लगाम. अनधिकृत वाळू वाहतूक करणाऱ्या वाहनावर मुरबाड तहसीलदार कार्यालयाकडून वाळू चोरीचा गुन्हा दाखल झाल्याने अनाधिकृत रेतीवाहातूक करणा-यांचे धाबे दणाणले आहे.   

रात्रीचा फायदा घेऊन रात्री 8:30 वाजताच्या सुमारास मौजे मुरबाड येथे नगर-कल्याण रस्त्यावर नगरकडील बाजून एक वाळूचा डंपर येत असल्याचे वाळू तपासणी पथकास दिसून आला. सदर डंपरची पथकाने तपासणी केली असता त्यात साधारण 6 ब्रास वाळूसाठा असल्याचे दिसून आले. वाहनचालकाला परवाना पासेसची चौकशी केली असता त्याने तो सादर केला नाही. गाडी पोलीस स्टेशनला घेण्यास सांगितले असता वाहन चालकाने गाडी बाजूला घेतो असे सांगितले. मात्र गाडी बाजूला न घेता वाहन चालक वाळूचा डंपर घेऊन पसार झाला. सदर वाहनावर तहसीलदार कार्यालय मुरबाड यांजकडून भारतीय दंड संहिता कलम 379 अन्वये वाळू चोरीचा गुन्हा दाखल करण्यात आला आहे असी माहीती नायब तसहीदार गरूडकर यांनी दिली. गरूडकर हे मागिल आठवड्यात मुरबाड येते नायब तहसिलदार म्हणून रूजू झाल्यावर पहिलीत ही धडक कारवायी केल्याने चोरटी वाहातूक करणा-या रे ती माफीयांना वचक बसणार आहे.