शाहरुखच्या 'मन्नत' समोरील इमारतीच्या १४ व्या मजल्याला आग; पाण्याचे ८ बंब घटनास्थळी

मुंबई : बॉलिवुड अभिनेता शाहरूख खानच्या मुंबईतील मन्नत बंगल्याजवळील जिवेश इमारतीला आग लागल्याची घटना घडली. या आगीत काहीजण अडकल्याची भीती व्यक्त करण्यात येत होती. दरम्यान घटनास्थळी अग्नीशमन दलाच्या 8 गाड्या दाखल झाल्या आणि त्यांनी ही आग आटोक्यात आणली आहे.

बँडस्टँड रोड, बांद्रा (प.) येथील जीवेश बिल्डिंगच्या 14 व्या मजल्यावर लेव्हल दोनची आग लागली आहे. अग्निशमन दलाच्या 8 गाड्या घटनास्थळी दाखल झाल्याची माहिती मुंबई अग्निशमन दलाकडून देण्यात आली.