एलईडीच्या प्रकाशात अवैध मासेमारी, मत्स्य विभागाचा छापा; ३० दिवे, जनरेटर नौका जप्त

अलिबाग : रायगडच्या सागरी क्षेत्रात अनधिकृत मासेमारीविरोधात मत्स्यव्यवसाय विभागाने कारवाई केली. मांडवा समुद्रकिनारी पहाटेच्या अंधारात एलईडी दिवे आणि जनरेटरच्या सहाय्याने मासेमारीच्या तयारीत असलेली नौका गस्ती पथकाने पकडली. या कारवाईत नौकेसह ३० एलईडी दिवे आणि एक जनरेटर जप्त करण्यात आला.