Vidhan Sabha 2019 : 'या' पाच मोठ्या नेत्यांचा उद्या भाजपमध्ये पक्षप्रवेश 

मुंबई : विधानसभा निवडणुकीच्या तोंडावर भाजपमध्ये होणारे इनकमिंग जोरात असून उद्या मुंबईत मोठे पाच नेते भारतीय जनता पक्षात प्रवेश करणार आहेत. उदया होणारे भाजपमध्ये काँग्रेसचे नेते आणि माजी मंत्री हर्षवर्धन पाटील, काँग्रेस नेते आणि मुंबई काँग्रेसचे माजी अध्यक्ष कृपाशंकर सिंह, सत्यजित देशमुख दुपारी 03 वाजता गरवारे क्लब मुंबई येथे या नेत्यांचा भाजपमध्ये पक्षप्रवेश होणार आहे.

मुंबईत आघाडीचा फॉर्म्युला ठरला

सायंकाळी ५ वाजता वाशी नवी मुंबई येथे राष्ट्रवादीचे आमदार गणेश नाईक
 आणि आनंदराव पाटील हे भाजपमध्ये प्रवेश करणार असल्याचे सांगण्यात येत आहे. एकूणच भाजपची ही तिसरी मेगा भरती आहे असे म्हणावे लागेल. मुख्यमंत्री देवेंद्र फडणवीस आणि जलसंपदा मंत्री गिरीश महाजन यांच्यासोबतच प्रदेशाध्यक्ष चंद्रकांत पाटील यांच्या उपस्थितीत हे प्रवेश होणार आहेत.

चक्क भाजपमधून आऊटगोईंग

काँग्रेस राष्ट्रवादीच्या आघाडीसाठी हा मोठा झटका मानला जात असून काँग्रेस राष्ट्रवादी काँग्रेस आघाडीच्या मातब्बर नेत्यांचा उद्या भाजपमध्ये प्रवेश होणार असल्याने आघाडीसाठी ही चिंतेची बाब आहे. सातत्याने काँग्रेस राष्ट्रवादीतून भारतीय जनता पक्षात होणारे आऊटगोईंग सध्या तरी आघाडीला थांबविण्यात अपयश आल्याचेच यातून दिसून येत आहे.