'तो' पर्यंत मुंबई राहणार लेव्हल ३ मध्येच

मुंबई: मुंबईचा आठवड्याचा पॉझिटीव्हिटी रेट (mumbai positivity rate) साडेपाच टक्क्यांवरुन ४.४०% वर आला आहे. मात्र, तरीही मुंबई लेव्हल तीन मध्येच राहणार आहे. नव्या निकषानुसार पॉझिटिव्हिटी रेट पाच टक्के किंवा त्यापेक्षा खाली असेल, तर ते शहर किंवा जिल्हा लेव्हल एक मध्ये येते. लेव्हल एक म्हणजे सर्वच अनलॉक. (unlock) तिथे जाचक निर्बंध नसतात. या नव्या निकषानुसार मुंबई आता लेव्हल एकमध्ये आलीय. तरीही मुंबईला लेव्हल तीनमध्ये (Mumbai level 3) ठेवण्यात येणार आहे. (For how long mumbai will be in under level 3 Bmc commissioner Iqbal Chahal replyed)

मुंबई, ठाणे आणि नवी मुंबई शहरात मागच्या आठवड्यात होते, तसेच निर्बंध कायम राहणार आहेत. पुणे शहर अनलॉकच्या पुढच्या टप्प्यावर जात लेव्हल ३ मधून लेव्हल २ मध्ये गेले आहे. पुण्यात ५० टक्के क्षमतेने मॉल उघडायला परवानगी देण्यात आलीय. पण दुकाने, मॉल आणि हॉटेल्सवर वेळेचे निर्बंध कायम असतील. मुंबई महानगर क्षेत्रात वसई-विरार, मीरा-भाईंदर लेव्हल ३ मधून लेव्हल २ मध्ये जाणार आहेत. कल्याण-डोंबिवली लेव्हल तीनमध्ये राहणार आहे. टाइम्स ऑफ इंडियाने हे वृत्त दिले आहे.

"जो पर्यंत प्रतिदिन कोरोना रुग्णांची संख्या १०० ते २०० पर्यंत येत नाही, तो पर्यंत मुंबई लेव्हल ३ मध्येच राहिलं" असं महापालिका आयुक्त इक्बाल सिंह चहल यांनी सांगितलं. "सध्या दर दिवसाला ७०० ते ८०० कोरोना रुग्ण आढळत आहे. पुन्हा मुंबईत लॉकडाउन करण्याची वेळ येऊ नये, यासाठी आम्ही सावधतेने पावलं उचलत आहोत. जून अखेरपर्यंत आम्ही बारकाईने परिस्थितीचे निरीक्षण करु, त्यानंतर पुढील निर्णय घेऊ" असे इक्बाल सिंह चहल यांनी सांगितले. पुढील आदेशापर्यंत मुंबई लेव्हल तीन मध्येच राहणार आहे.

सध्या तरी चालू नियमांमध्ये कोणताही बदल नाही करण्यात आला नाहीये. हा पॉझिटीव्हिटी रेट स्थिर असेल तर नियम बदलण्याबाबत निर्णय घेतला जाऊ शकतो. मात्र, सध्या तरी पॉझिटीव्हीटी दर घसरल्यानंतर देखील मुंबईला लेव्हल तीनचेच निकष लागू असणार आहेत.