मुंबई - कोकेनचा साठा शरीरात दडवून भारतात आलेल्या परदेशी प्रवाशास कस्टम विभागाने मुंबईच्या आंतरराष्ट्रीय विमानतळावर अटक केली. या प्रवाशाच्या शरीरातून ७८५ ग्रॅम कोकेन हस्तगत केले. या साठ्याची किंमत ७.८५ कोटी रुपये असावी, असे कस्टम विभागाने सांगितले.
विभागाने दिलेल्या माहितीनुसार, युगांडा एअर लाइन्स या विमानाने १० एप्रिलच्या मध्यरात्री मुंबई विमानतळावर उतरलेल्या या प्रवाशाला संशयास्पद हालचालींमुळे रोखण्यात आले. त्याच्या सामानात कोणतीही संशयास्पद वस्तू आढळली नाही, मात्र हा प्रवासी अस्वस्थ वाटत असल्याने त्याचा एक्सरे करून घेण्यात आला.
तेव्हा त्याच्या पोटात असंख्य गोळ्या किंवा कॅप्सूल आढळल्या. त्याबाबत चौकशी केली असता या कॅप्सूलमध्ये कोकेन असल्याचे प्रवाशाने सांगितले. त्या आधारे प्रवाशास अटक करण्यात आली.
१३ एप्रिलला शासकीय रुग्णालयात प्रवाशाच्या पोटातील कॅप्सूल बाहेर काढण्यात आल्या. त्यातील शुभ्र रंगाची भुकटी कोकेन असल्याचे चाचणीद्वारे स्पष्ट झाले. मोजदाद केली तेव्हा ७८५ ग्रॅम कोकेन शरीरात दडवून हा प्रवासी भारतात आल्याचेही स्पष्ट झाले.
तस्कर टोळीचा वाहक
हा प्रवासी आंतरराष्ट्रीय अमली पदार्थ तस्कर टोळीचा वाहक आहे. ठरावीक रकमेच्या मोबदल्यात हा कोकेनचा साठा या प्रवाशाने भारतात वाहून आणला होता, असे एका कस्टम अधिकाऱ्याने सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.