नवी मुंबईतील शहरातील वृक्षसंपदा वाढणार; ४७ हजार देशी रोपांची लागवड | Navi Mumbai Tree Plantation | Sakal
sakal

बोलून बातमी शोधा

Forest

नवी मुंबईतील शहरातील वृक्षसंपदा वाढणार; ४७ हजार देशी रोपांची लागवड

वाशी : नवी मुंबई महापालिकेने (Navi Mumbai Municipal corporation) स्वच्छतेबरोबरच हरित विकासाकडेही लक्ष केंद्रित केले आहे. शहरातील वृक्षसंपदा वाढविण्यावर (Tree plantation) महापालिकेने भर आहे. मोकळ्या भूखंड हिरवेगार करण्यासाठी जपानच्या धर्तीवर मियावाकी पद्धतीने घनदाट जंगल निर्मितीवर (Forest creation) भर दिला जात आहे. गतवर्षी कोपरखैरणे येथील निसर्ग उद्यानात ४२ हजार व गणपतशेठ तांडेल मैदान परिसरात ५ हजार अशा प्रकारे ४७ हजार देशी रोपांची (Tree) मियावाकी स्वरूपांत लागवड करण्यात आली आहे.

हेही वाचा: मुंबई : मढ जेटी परिसरातील पाणीचिंता मिटली; नवीन जलवाहिनीचे काम सुरु

यापुढील काळात कोपरखैरणे येथील निसर्ग उद्यानात २२ हजार, ज्वेल ऑफ नवी मुंबई येथे ८० हजार व इतरत्र १४ ठिकाणी ७० हजार अशा प्रकारे १ लाख ७२ हजार रोपांची मियावाकी स्वरूपात लागवड करण्यात येणार आहे.यंदा वृक्ष प्राधिकरणासाठी अर्थसंकल्पात ३८ कोटींची भरीव तरतूद करण्यात आली आहे. महापालिका क्षेत्रात मियावाकी पद्धतीने कमी जागेत दाट घनतेची शहरी जंगले उभारण्यात येत आहेत. तसेच यंदा सायन-पनवेल महामार्गालगत देशी प्रजातींच्या वृक्ष लागवड करण्यात येणार आहे. ३९२ हून अधिक उद्याने, रस्ते दुभाजक व मोकळ्या जागी पर्यावरणाची जोपासना केली जात आहे.

वृक्षसंपदा वाढीसाठी विविध उपक्रम

- झाडांचे संरक्षण, वृक्षांच्या फांद्यांची छाटणी, पावसाळ्‌यात उन्मळून व तुटून पडणाऱ्या वृक्षांची विल्हेवाट लावणे याकरिता दोन कोटींची तरतूद.
- शहरात हरितपट्टे निर्माण करण्याचा मानस असून त्याकरिता ६ कोटींची तरतूद केली आहे. याद्वारे स्थानिक प्रजातींच्या ५० हजार वृक्षांची लागवडीचे नियोजित.
- खारफुटी जंगल लागवड व संवर्धन करण्याकरिता २० लाखांची तरतूद.
- रोपवाटिका विकसित करण्यासाठी दीड लाखांची तरतूद. याद्वारे २ रोपवाटिका विकसित करण्याचे नियोजित आहे.
- वृक्ष गणनेसाठी अडीच लाखांची तरतूद. जास्त क्षेत्रफळाच्या आरक्षित भूखंडावर औषधी वनस्पती उद्यान, बांबू उद्यान तसेच कॅक्टस उद्यान विकसित करण्यासाठी एक कोटींची तरतूद.

Web Title: Forty Seven Thousand Tree Plantation Will Create Big Forest In Navi Mumbai Environment News Update

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top