Borivali Building Collapsed : चार मजली इमारत कोसळली; व्हिडिओ व्हायरल

Building Collapsed In Mumbai Borivali : मुंबईतील बोरिवली पश्चिम येथील साईबाबा नगरमधील गितांजली नावाची चार मजली इमारत कोसळल्याचे वृत्त समोर आले आहे. घटनास्थळी अग्निशमन दलाच्या गाड्या दाखल झाल्या असून, ढिगारा बाजूला करण्याचे काम युद्ध पातळीवर सुरू करण्यात आले आहे. बीएमसीकडून ही इमारत धोकादायक घोषित करण्यात आली होती. त्यामुळे येथे वास्तव्यास असणाऱ्या कुटुंबियांना आधीच बाहेर काढण्यात आले होते. मात्र, त्यानंतरही येथे कुणी अडकले आहे का? याचा शोध घेण्याचे काम अग्निशमन दलाच्या जवानांकडून घेतला जात आहे.

दरम्यान, घटनास्थळी अग्निशमन दलाच्या गाड्या दाखल झाल्या असून, ढिगारा बाजूला करून बाचाव आणि मदतकार्य युद्ध पातळीवर सुरू करण्यात आले आहे. दुपारी 12 वाजून 34 मिनिटांनी इमारत कोसळल्याची माहिती देण्यात आली. अग्निशमन दलाला लेव्हल 2 चा कॉल मिळाला होता. त्यानंतर तात्काळ अग्निशमन दलाच्या गाड्यांनी घटनास्थळी धाव घेत बचाव आणि मदतकार्य युद्धपातळीवर सुरू केले आहे.

दरम्यान, आता नव्याने समोर आलेल्या माहितीनुसार बीएमसीकडून ही इमारत धोकादायक घोषित करण्यात आली होती. तसेच येथे वास्तव्यास असणाऱ्या कुटुंबियांना सुरक्षितस्थळी हलवण्यात आले होते. त्यामुळे मोठी जिवीतहानी टळली आहे. मात्र, यानंतरही या ठिकाणी कुणी वास्तव्यास होतं का? याचा शोध जवानांकडून घेतला जात आहे.

कोसळलेली ही इमारात 30 ते 35 वर्षे जुनी असून, इमारतीच्या रिडेव्हलपमेंटसाठी बिल्डरसोबत करार झाला होता. त्यानुसार आज आज सकाळीच या इमारतीतील कुटुंबियांनी घरे खाली केली अशी माहिती स्थानिक आमदार सुनिल राणे यांनी दिली आहे.