BMC कर्मचाऱ्यांसाठी गोड बातमी! महापौरांनी जाहीर केला दिवाळी बोनस

मुंबई : दिवाळी अवघ्या काही दिवसांवर येऊन ठेपली आहे. अशात सर्व कर्मचाऱ्यांना दिवाळी बोनसचे वेध लागले आहेत. यंदा कोरोनामुळे मोठं नुकसान झालंय. अशा खालावलेल्या आर्थिक परिस्थितीत कर्मचाऱ्यांनी दिवाळी बोनसची अपेक्षा ठेवावी की ठेवू नये हा देखील प्रश्न अनेकांसमोर उपस्थित झालाय. यापार्श्वभूमीवर मुंबई महापालिकेने आपल्या कर्मचाऱ्यांसाठी 15 हजार 500 रुपयांचा बोनस जाहीर केला आहे.    

आधी सरकारशी हात जोडून बोलू, नाहीतर मग हात सोडून बोलू; राज ठाकरेंचा इशारा

मुंबई महापालिका कामगार कर्मचाऱ्यांचा बोनसचा तिढा सुटला आहे. महापौर किशोरी पेडणेकर सोमवारी सानुग्रह अनुदान जाहीर केले आहे. कर्मचारी कामगारांच्या समन्वय समितीने मुख्यमंत्री उध्दव ठाकरे यांची भेट घेतली होती. त्यावर मुख्यमंत्र्यांनी बोनससाठी सानुग्रह अनुदान देण्याचे आश्वासन दिले होते..

मुंबई महागरपालिका कर्मचाऱ्यांसाठी अर्थसंकल्पात करण्यात आलेल्या तरतूदीनुसार 17 हजार रुपये सानुग्रह अनुदान मिळणार होते. मात्र,कोविड काळात कर्मचार्यांनी केलेल्या कामाचा आढावा घेऊन 40 हजार रुपयांपर्यंत सानुग्रह अनुदान मिळावा अशी मागणी समन्वय समितीने केली होती.

मास्कच्या किंमती पडताळणीसाठी प्रशासनाची धडक तपासणी मोहीम

तरतुदींपेक्षा जास्त अनुदान द्यायचे झाल्यास मुख्यमंत्र्यांची परवानगी घ्यावी लागेल असे आयुक्त इक्बाल सिह चहल यांनी सांगितले होते. त्यावर समन्वय समितीचे अध्यक्ष बाबा कदम निमंत्रक ऍडव्होकेट प्रकाश देवदास यांच्यासह शिष्टमंडळाने मुख्यमंत्र्यांची भेट घेतली. त्यावर सोमवारी महापौर अनुदान जाहीर करतील असे आश्वासन मुखमंत्र्यांनी दिले होते. त्याप्रमाने मुंबई महानगर पालिकेच्या सर्व कर्मचाऱ्यांसाठी 15 हजार 500 रुपयांचा बोनस महापौर किशोरी पेडणेकर यांनी जाहीर केला आहे.