त्यांनी पाहिले...अन् वाचले जखमी प्रवाशाचे प्राण

मुंबई : नव्या वर्षाच्या पहिल्याच दिवशी रेल्वे रुळावर जखमी अवस्थेत पडलेल्या एका तरुणाचे प्राण मोटरमनच्या सतकर्तेमुळे वाचले. ही घटना मध्य रेल्वेच्या मुख्य मार्गावरील ठाकुर्ली स्थानकात घडली.

मोठी बातमी नेरूळमध्ये दिवसाढवळ्या घडला 'हा' प्रकार; तक्रार दाखल

बुधवारी (ता.1) मोटरमन ए.आर.वर्मा हे सीएसएमटी ते कल्याण डाऊन लोकलवर कार्यरत होते. सायंकाळी 7 वाजण्याच्या सुमारास ठाकुर्ली स्थानकात लोकल शिरताना अप धिम्या आणि डाऊन जलद मार्गावरील रेल्वे ट्रॅकच्या मध्ये एका तरुण जखमी अवस्थेत पडल्याचे निदर्शनास आले. मोटरमन वर्मा यांनी तात्काळ आपातकालीन ब्रेक लावत लोकल थांबवली. याबाबतची माहिती त्यांनी गार्ड आणि आरपीएफला दिली. मोटरमन वर्मा आणि गार्ड पी.सी.पेडेकर यांनी काही प्रवाशांच्या मदतीने जखमी प्रवाशाला फलाटावर उचलुन आणले.

मोठी बातमी संजय राऊत पुन्हा कडाडले, म्हणतायत.. 

त्यानंतर आरपीएफने तात्काळ त्या तरुणाला वैद्यकीय उपचारासाठी रुग्णालयात दाखल केले. जखमी प्रवाशाचे नाव कार्तिक सिंह (वय 35) असून तो दिवा येथील रहिवासी आहे. यापूर्वी डिसेंबर महिन्याच्या शेवटच्या आठवड्यात मोटरमन वर्मा यांनी डोबिवली स्थानकात आत्महत्येचा प्रयत्न करणाऱ्या मतीमंद महिलेचे प्राण वाचविले होते. त्याबद्दल त्यांना मुंबई विभागाकडून पारितोषिक दिले होते.