SMT Heritage Scare: सीएसएमटी हेरिटेज स्थानकात ‘पॅरानॉर्मल’ कोड, गूढ चिन्हांनी खळबळ; काळी जादू, सुरक्षा आणि वारसा संरक्षणावर प्रश्नचिन्ह

नितीन बिनेकर

मुंबई : राज्यभर तंत्र-मंत्र आणि काळ्या जादूविषयी चर्चांना उधाण आले असतानाच, छत्रपती शिवाजी महाराज यांच्या नावावर मुंबईत असलेल्या सीएसएमटी स्थानकात काळ्या जादूचा एका प्रकाराने थरकाप उडवणारी खळबळ उडाली आहे. सीएसएमटीच्या फलाट क्रमांक १ वरील खांब क्रमांक १५ आणि १६ वर ‘पॅरानॉर्मल’ असा शब्द, तसेच विविध गूढ स्वरूपाच्या आकृत्या आणि संख्यात्मक नोंदी लिहिलेल्या आढळल्याने प्रवाशांमध्ये भीती, संभ्रम आणि अस्वस्थतेचे वातावरण पसरले आहे.