गणेश मूर्ती विसर्जनावरून पुन्हा वाद! उंच 'पीओपी' मूर्तींचे जलस्त्रोतांत विसर्जन नको, राज्य सरकारच्या निर्णयावर हायकोर्टाचे खडेबोल

मुंबई : राज्य सरकारने मागील वर्षी सहा फुटांपेक्षा अधिक उंचीच्या 'पीओपी' मूर्तीचे नैसर्गिक जलस्त्रोतांमध्ये विसर्जन करण्यास परवानगी देणारे धोरण जाहीर केले होते; मात्र ते कायम ठेवल्यास जलस्रोतांचे अधिक नुकसान होईल, असे निरीक्षण गुरुवारी (ता. १६) उच्च न्यायालयाने नोंदवले. तसेच मूर्तिकारांकडे या मुद्द्यावर विचार करण्यासाठी वर्षभराचा कालावधी होता, असेही न्यायालयाने सुनावले.