ज्येष्ठ अभिनेते मुश्ताक मर्चंट यांचे निधन

मुंबई : हिंदी चित्रपटसृष्टीतील (Hindi film industry) शोले या माईलस्टोन चित्रपटासह (sholay movie) सीता और गीता, सागर, प्यार का साया, हाथ की सफाई, फिफ्टी-फिफ्टी, जवानी-दिवानी अशा काही यशस्वी चित्रपटांमध्ये काम करणारे ज्येष्ठ अभिनेते मुश्ताक मर्चंट (Mushtaq Merchant Death) यांचे आज निधन झाले. एका खासगी रुग्णालयात उपचार सुरू असताना त्यांनी अखेरचा श्वास घेतला. ते 67 वर्षांचे होते. मुश्ताक मर्चंट यांनी विनोदी भूमिकांबरोबरच चरित्र भूमिकाही उत्तमरीत्या साकारल्या. (Senior actor mushtaq merchant died huge loss of Bollywood industry)

हिंदीतील मोठमोठे बॅनर्स तसेच कलाकारांबरोबर त्यांनी काम केले. त्यांचा काॅमेडीचा टायमिंग खूप अचूक होता. शोलेमध्ये त्यांच्या भूमिकेची लांबी मोठी होती. परंतु चित्रपटाची लांबी मोठी झाल्यामुळे त्यांच्या भूमिकेला काटछाट देण्यात आली. सोळा वर्षांपूर्वी त्यांनी चित्रपटसृष्टीला राम राम ठोकला होता आणि धार्मिक कामांमध्ये स्वतःला गुंतवून ठेवलेले होते. गेल्या अनेक वर्षांपासून ते मधुमेहाशी झुंज देत होते. त्यातच त्यांचे निधन झाले.