मुंबईत पतीकडून पत्नीची हत्या; दोन वर्षांपूर्वी झालेला प्रेमविवाह

मुंबईत पतीकडून पत्नीची हत्या; दोन वर्षांपूर्वी झालेला प्रेमविवाह
Summary

२०१९ मध्ये आरोपी हसनने नेहाला पळवून नेले होते.या प्रकरणी नेहाच्या आईने हसन विरोधात जुहू पोलिस ठाण्यात तक्रार नोंदवली होती.

मुंबईत पतीने पत्नीची हत्या केल्याची घटना घडली आहे. अंधेरीतील डीएन नगर परिसरात ही घटना घडली असून या प्रकरणी एकाला अटक करण्यात आली आहे. नेहा गंगासागर गुप्ता(२०) असे या मृत महिलेचे नाव असून तिचा मृतदेह शवविच्छेदनासाठी कूपर रुग्णालयात पाठवण्यात आला आहे.

याबाबत मिळालेली माहिती अशी की, डीएन.नगर पोलिस ठाण्यात हत्येचा गुन्हा नोंदवण्यात आला असून पोलिसांनी पती हसन अब्दुल पठान याला अटक केली आहे. नेहा आणि आरोपी हसन यांची ओळख २०१४ मध्ये झाली होती. २०१९ मध्ये आरोपी हसनने नेहाला पळवून नेले होते.या प्रकरणी नेहाच्या आईने हसन विरोधात जुहू पोलिस ठाण्यात तक्रार नोंदवली होती.

मुंबईत पतीकडून पत्नीची हत्या; दोन वर्षांपूर्वी झालेला प्रेमविवाह
मुंबईत कोरोनाच्या १६८ नव्या रुग्णांची भर; २ जणांचा मृत्यू

नेहा आणि हसन यांच्यात काही काळाने सतत वाद व्हायला लागल्यानंतर नेहा आईच्या घरी परतली होती. ५ मे २०२१ रोजी नेहा कामावरून तिच्या घरी न जाता हसनच्या घरी गेली होती. तेथे दोघांमध्ये वाद झाला. याच वादातून हसनने नेहावर चाकूने वार केले. रक्ताच्या थारोळ्यात नेहा पडल्यानंतर आरोपी हसनने घराला टाळा मारून पळ काढला. या घटनेची माहिती मिळाल्यानंतर पोलिसांनी हत्येचा गुन्हा नोंदवून आरोपी हसनला अटक केली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com