Mumbai Metro News : मुंबई मेट्रोचे 'कंट्रोल' बदललं, IAS रूबल अग्रवाल यांच्या हाती आली मोठी जबाबदारी

सकाळ वृत्तसेवा

मुंबई, ता. ८ : महामुंबई मेट्रो ऑपरेशन कार्पोरेशन लिमिटेडच्या (एमएमएमओसीएल) च्या व्यवस्थापकीय संचालक म्हणून सनदी अधिकारी रूबल अग्रवाल यांनी आज पदभार स्विकारला. एमएमआरडीएचे आयुक्त संजय मुखर्जी यांच्याकडे आतापर्यंत महामुंबई मेट्रोचा अतिरिक्त कार्यभार होता.

मेट्रो सेवा आता प्रवाशांच्या सेवेत दाखल होत असून इतरही ठिकाणी अनेक मेट्रो प्रकल्पांची कामे सुरू आहेत. त्यापार्श्वभूमीवर राज्य सरकारने रूबल यांची एमएएमओसीएलच्या व्यवस्थापकीय संचालक म्हणून नियुक्ती केली होती. त्यानुसार संजय मुखर्जी यांनी आज त्यांच्याकडे पदभार सोपवला. रूबल यांनी याआधी राज्याच्या एकात्मिक बाल विकास योजनेच्या आयुक्त म्हणून काम पाहत होत्या. दरम्यान सध्या मेट्रो एक टेक ओव्हर करण्याची प्रक्रिया सुरू झालेली असताना आणि मेट्रो मार्ग सेवेत येत असताना एमएमएमओसीएलला स्वतंत्र अधिकारी मिळाल्याने मेट्रोच्या कामाला आणखी गती मिळू शकणार आहे.