रुग्णांच्या संपर्कात येणाऱ्या व्यक्तींच्या क्वारंटाईनबाबत वसई-विरार महापालिकेचा महत्वाचा निर्णय

वसई :  वसई-विरार शहर महापालिकेत कोरोनाबाधीतांची संख्या दररोज वाढत असून  सध्या पाचशेहून अधिक रुग्णांची नोंद झाली आहे. त्यामुळे आता थेट संपर्कात येणाऱ्या रुग्णांना जर पुरेशी जागा असेल तर स्वतःच्या घरीच अलगीकरणात राहण्याची मुभा दिली जाणार असल्याचा निर्णय पालिका प्रशासनाच्या आरोग्य विभागाने घेतला आहे.

हे ही वाचा : विमानसेवा सुरु झाली अन् अनेकांनी मुंबई सोडण्याचा निर्णय घेतला...

सध्या वसई विरार पालिकेअंतगत कोरोना रुग्णांसाठी बोळींज येथे 20, कौलसिटी 45, वसई गाव 750, वालीव 65, नालासोपारा रिद्धीविनायक 75 खाटांची व्यवस्था करण्यात आली आहे. तर विरारच्या म्हाडा येथे देखील 370 जणांसाठी सुविधा देण्यात आल्या आहेत. परंतु रुग्णांची वाढती संख्या पाहता आरोग्य विभागाची सुविधा अपुरी पडण्याची शक्यता लक्षात घेऊन त्यामुळे कोरोना रुग्णांच्या संपर्कात आलेले व संशयित रुग्ण यांचे अलगीकरण हे घरातच करण्याचा निर्णय आयुक्त गंगाधरन डी. यांच्या मार्गदर्शनाखाली घेण्यात आला आहे. हे रुग्ण नागरिकांच्या संपर्कात येणार नाही याची काळजी घेत त्यांची आरोग्य विभागाकडून देखभाल देखील केली जाणार आहे. 

मोठी बातमी : शाळा सुरु झाल्यानंतर काय? मुख्यमंत्र्यांनी दिल्यात 'या' महत्त्वाच्या सुचना...

स्वघोषणापत्र बंधनकारक 
अलगीकरण घरीच करताना जो संशयित अथवा कोरोना रुग्णांच्या संपर्कात आला आहे. त्याच्याकडून आरोग्य विभागाने आखून दिलेल्या नियमाचे पालन कसे करावे याची माहिती दिली जाणार आहे व त्या व्यक्तीकडून अटींची पूर्तता केली जाईल असे  स्वघोषणापत्र देखील पालिकेकडून घेण्यात येणार आहे. 

घरात किती व्यक्ती राहतात, सुरक्षित अंतरासाठी किती जागा आहे.अलगीकरण करण्यासाठी घर योग्य आहे का? याची पाहणी देखील महापालिका प्रशासनाकडून करण्यात येणार आहे. त्यानंतर त्या संशयित रुग्णाला परवानगी दिली जाणार आहे अन्यथा कोव्हिड केंद्रात त्याला हलविण्यात येईल. याबाबतचे निर्णय आरोग्य केंद्राचे वैद्यकीय अधिकारी घेणार आहेत. - रमेश मनाळे, अतिरिक्त आयुक्त, वसई विरार महापालिका.

Important decision of Vasai-Virar Municipal Corporation regarding quarantine of persons coming in contact with patients