मुंबईत ट्रॅफीक जॅम टाळण्यासाठी 'या' वेळेत अवजड वाहनांना बंदी

मुंबई: वाहतुक कोंडी (Traffick jam) मुंबईतील एक मोठी समस्या आहे. सकाळी नोकरदारांच्या कामावर जाण्याच्यावेळेत आणि संध्याकाळी कामावरुन सुटल्यानंतर मुंबईच्या रस्त्यावर (Mumbai road) वाहतूक कोंडी हमखास ठरलेली आहे. आता बहुतांश लोकांकडे स्वत:ची वाहने (Vehicles) आहेत आणि काही जण खासगी टॅक्सीचा (taxi) पर्याय निवडतात. त्यामुळे सार्वजनिक वाहनांबरोबर खासगी वाहनांची मुंबईच्या रस्त्यावर नेहमीच गर्दी होते.

अगदी एक ते दोन किलोमीटरचे अंतर कापायला काही तास लागतात. मुंबईत असे ठराविक मार्ग आहेत, जिथे ट्रॅफीक जॅम ठरलेला असतो. दक्षिण मुंबई असो वा उपनगर नोकरदारांना वाहतुक कोंडीतून मार्ग काढून ऑफीस गाठावे लागते. आता यातून मार्ग काढण्यासाठी वाहतूक पोलिसांनी एक महत्त्वाचा निर्णय घेतला.

मुंबईतील वाहतूक कोंडी टाळण्यासाठी वाहतुक पोलिसांनी महत्त्वाचा निर्णय घेतला आहे. मुंबईत सकाळी ७ ते ११ व सायंकाळी ५ ते ९ वाजे पर्यत अवजड वाहनांना बंदी घालण्यात आली आहे. उद्यापासून वाहतूक नियमा़चे उल्लंघन करणाऱ्यांवर कारवाई करण्यात येईल.