जागतिक महिला दिनानिमित्त राज ठाकरेंकडून महिलांना खास संदेश, वाचा सविस्तर

मुंबई: आज ८ मार्च म्हणजे जागतिक महिला दिन. या दिनाच्या निमित्तानं महाराष्ट्र नवनिर्माण सेनेचे अध्यक्ष राज ठाकरे यांनी महिलांसाठी खास संदेश लिहिला आहे. हा संदेश राज ठाकरे यांनी सोशल मीडियावर शेअर केला आहे. या त्यांनी महिला दिन हा वर्षातून एकदाच का साजरा करायचा असा सवाल उपस्थित केला आहे. तसंच तुम्ही कोणाचंही प्यादं बनून रहायची गरज नाही, तुम्ही थेट निर्णय प्रक्रियेत सहभागी व्हा, तुम्हाला अपेक्षित बदल तुम्हीच घडवू शकता आणि जग बदलवू शकता, असं आवर्जून नमूद केलं आहे.

अधिक वाचा- कोरोना व्हायरसचा पुन्हा धोका? मुंबईत नव्या रुग्णांचा भडका

राज ठाकरे यांनी महिला दिनी लिहिलेला खास संदेश 

८ मार्च, आज जागतिक महिला दिन. मुळात महिला दिन हा वर्षातून एकदाच का साजरा करायचा हे मला समजत नाही. 

आमचे आजोबा, प्रबोधनकार ठाकरे म्हणायचे, "बांधवांनो, महिलांबद्दल जितका-जितका आदर तुम्ही आपल्या अंतःकरणात साठवत जाल, वाढवत जाल तितके शिवराय तुमच्यावर फार प्रसन्न होतील" त्या छत्रपती शिवाजी महाराजांची जयंती जशी ३६५ दिवस साजरी व्हायला हवी तसंच महिलांचा म्हणजे खऱ्या अर्थाने ह्या जगतनियंत्याचा सन्मान ३६५ दिवस साजरा झाला पाहिजे. असो. 

मी मागे एकदा एका भाषणात माता-भगिनींना उद्देशून जे बोललो होतो ते आज पुन्हा सांगतो; तुम्हाला कोणी सक्षम करण्याची गरज नाही तुम्ही स्वतः सक्षमच आहात. तुम्ही तुमच्या सद्सद्विवेक बुद्धीला स्मरून आणि दुसऱ्या स्त्रीचं दुःख आपलं मानून कृती करू लागलात तर जगात कुठल्याच स्त्रीवर अन्याय होऊ शकणार नाही. 

मुंबई विभागातल्या ताज्या बातम्या वाचण्यासाठी येथे क्लिक करा.

राजकारणात किंवा समाजकारणात कार्यरत असणाऱ्या महिलांनाही माझं आवर्जून सांगणं आहे तुम्ही कोणाचंही प्यादं बनून रहायची गरज नाही, तुम्ही थेट निर्णय प्रक्रियेत सहभागी व्हा, तुम्हाला अपेक्षित बदल तुम्हीच घडवू शकता आणि जग बदलवू शकता. 

बाकी पुन्हा एकदा मनापासून शुभेच्छा.  

आपला नम्र,
राज ठाकरे

----------------------------------------------

International Womens Day 2021 Special message from Raj Thackeray for women