मुंबई : नॅशनल पार्क मधील 'जीवन बिबट्या'ची रेडिओ कॉलर करुन सुखरुप सुटका

मुंबई : रेडिओ टेलिमेट्री प्रकल्पाचा एक भाग म्हणून संजय गांधी नॅशनल पार्क (Sanjay Gandhi National Park) येथे आणखी एका बिबट्याला (Jivan Leopard radio collared) रेडिओ कॉलर करून सुखरूपपणे सोडण्यात आले. जीवन असे या बिबट्याचे नामकरण करण्यात आले असून येऊर रेंज मध्ये त्याला यशस्वीपणे रेडिओ कॉलर लावल्याची माहिती संजय गांधी राष्ट्रीय उद्यानाचे मुख्य वन संरक्षक जी मल्लिकार्जुन यांनी दिली.

या बिबट्याचे वय सुमारे 6 वर्षे आहे. 70 आणि 80 च्या दशकात मुंबई बिबट्यांचा अभ्यास करणारे आणि भारतातील बिबट्यांवर एक पुस्तक लिहिणारे जे सी डॅनियल यांच्या स्मरणार्थ बिबट्याला जीवन असे नाव देण्यात आले. हा संशोधन प्रकल्प वाइल्डलाइफ कॉन्झर्वेशन सोसायटी- इंडिया (WCSI) द्वारे महाराष्ट्र वन विभागाच्या सहकार्याने आयोजित केला आहे. वन्यजीव एसओएसने त्यांचे पशुवैद्यकीय कौशल्य प्रदान करून या प्रकल्पासाठी वाइल्डलाइफ कॉन्झर्वेशन सोसायटी- इंडिया सोबत सहकार्य केले. डॉ. रश्मी गोखले यांच्या सहाय्याने वन्यजीव एसओएस मधील डॉ. निखिल बांगर यांनी बिबट्यासाठी सुरळीत कॉलरिंग प्रक्रिया सुनिश्चित केली.

या कॉलर असलेल्या प्राण्याद्वारे मानवी बिबट्याच्या परस्परसंवादावर मनोरंजक डेटाची माहिती मिळते. येत्या काही दिवसांत आणखी एक बिबट्याला रेडिओ कॉलर लावण्यात येणार आहे. प्रकल्पाचा दुसरा टप्पा वन्यजीव संवर्धन सोसायटी इंडिया, रिलायन्स फाऊंडेशन आणि डीबीएस बँक यांच्या यांच्या सहकार्याने यशस्वी करण्यात येणार आहे, असे मल्लिकार्जुन यांनी सांगितले.